Te fundit
FOTOT/ “Talak”: Divorci misterioz i Sulltanit që la fronin e mbretit për modelen 23 vjet më të re
17 Korrik 2019, 11:11Lifestyle
TEMA
Ish-mbreti i Malajzisë është divorcuar nga e shoqja, vetëm pak javë pas ardhjes në jetë të djalit të tyre.
Dasma e papritur e Sulltan Muhammedit V të Kelantanit, 50 vjeç, dhe Rihana Oksana Voevodina, 27 vjeç, nëntorin e kaluar, i habiti malajzianët.
Por ata janë divorcuar vetëm pak muaj më pas, në mënyrë të papritur.
Çertifikata e divorcit, që mban krenarinë shtetërore të Kelantanit, tregon se divorci është bërë përmes thënies së fjalës ‘talak’ tre herë – forma më e ashpër dhe e pakthyeshme e divorcit në Islam.
Çifti u martua me 7 qershor të vitit të kaluar në një ceremoni myslimane e cila nuk u bë publike.
Marrëdhënia e tyre doli në dritë kur ata mbajtën një martesë të dytë të bujshme, në një sallë koncertesh në Moskë.
Sulltan Muhammedit V i Kelantanit abandonoi fronin e mbretit, për t’u martuar me bukuroshen 27-vjeçare, por duket se shfaqja e saj në një shfaqje televizive para martesës, ka ndikuar për ndarjen.
Voevodina shfaqet aty duke u puthur në një pishinë me një mashkull tjetër, madje raportohet se ata kanë bërë edhe seks.
Zbulimi i këtij fakti duket se ka çuar në divorc, por për momentin nuk ka asnjë komunikatë zyrtare për divorcin dhe arsyet reale të tij.
Aq më tepër kur vetë 27-vjeçarja, vetëm pak ditë më parë shprehej se sa e lumtur ishte jeta e tyre martesore, gjatë një interviste.(TemA)
Lini një Përgjigje
Më të lexuarat
24 oret e fundit
Javen e fundit
Blog Tema
