Te fundit
Shahini: Pranimet për mësuesi me mesatare 8, jo më arsimtarë si në kohën e PD-së
18 Korrik 2019, 12:21Sociale
TEMA
Ministrja e Arsimit, Besa Shahini deklaroi sot në Kuvend se nota mesatare për degën e Mësuesisë do të shkojë 8 ndërsa dega e Mjekësisë do të ketë një notë akoma më të lartë mesatare.
Në interpelancën e kërkuar nga deputetë të opozitës mbi përcaktimin e kriterit të notës mesatar, Shahini tha se “ky vendim është i rëndësishëm për përmirësimin e cilësisë së arsimit të lartë parauniversitar në Republikën e Shqipërisë. Politikat arsimore që i kanë paraprirë këtij vendimi, janë dy ndërhyrje kryesore që bëhen në sistemin parauniversitar, e para është te kurrikulat dhe tekstet shkollore pra tek përmbajtja e asaj që mësojnë nxënësit në shkollë dhe tjetra është tek mësuesit se sa të mirëarsimuar janë ata”.
“Pas këtyre ndërhyrjeve tekstet shkollore janë përmirësuar, tekstet shkollore të shkencave janë marrë nga botuesit prestigjioz dhe janë përzgjedhur nga mësues dhe sot një pjesë e tyre jepen falas për nxënësit . Nga shtatori nxënësit do punojnë me tekstet e reja shkollore”, tha Shahini.
Ajo shtoi se, “tek cilësia e mësuesve kemi një numër të madh mësuesish në sistem që nuk janë të nivelit që duhet të jetë një mësues. Kjo për shkak se në kohën kur Partia Demokratike ka menaxhuar sistemin arsimor ka shkatërruar tërësisht figurën e mësuesit në dy mënyra. Ka punësuar mësues në baza partiake dhe e dyta kanë hapur universitete si Kristali dhe Vitrina që kanë prodhuar mësues që nuk kanë qenë asnjë ditë në shkollë”.
“Në kohën e PD mbi 60 % e nxënësve kanë qenë analfabetë funksional. Në vitin 2015 pas një viti e gjysmë menaxhim nga PS kjo shifër ra ndjeshëm. Ne e pamë të arsyeshme që t’i orientojmë ata më të mirët drejt formimit akademik”, u shpreh Shahini.
Shahini tha se, “qëllimi për përcaktimin e notës mesatare për pranimin në ciklin e parë dhe të dytë të studimeve është mbështetje e strategjive në funksion të përmirësimit të shërbimit të arsimit të lartë dhe mbështetja e arsimit profesional. Duhet t’i jepet një fuqizim edhe arsimit profesional për të kontribuar në tregun e punës. Ligji i arsimit të Lartë të vitit 2015 i jep këshillit të ministrave tagrin për përcaktimin e një note mesatare”.
“Do e çojmë në 8 notën mesatare për degën e Mësuesisë. Universiteti i Mjekësisë ka vendosur të shkojë përtej vendimit tonë duke vendosur edhe një notë akoma më të lartë mesatare. Kam biseduar me shumë maturantë. I kam njoftuar për vendimin që do merret. Kemi pasur edhe kritika. Miratimi ka qenë nga ata pedagogë që kërkojnë një selektim, ndërsa kritikë kanë qenë ata që mendojnë se do zvogëlohet numri i nxënësve për lëndën e tyre”, përfundoi ministrja Shahini.
5 komente në “Shahini: Pranimet për mësuesi me mesatare 8, jo më arsimtarë si në kohën e PD-së”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
por universitetin e Vitrines duhet ta kishit lene pa mbyllur se aty ishte regjistruar per te mbaruar shkollen e larte antarja e byrose politike te komitetit qendror me 25 antare kryesije te cizme partickes Kejdi dhembcakallja qe ishte regjistruar ne Fakultetin e Kakarisjes i hapur posacerisht per sharebajgat e leshitlikes dhe lristat e haremit famekeq erotiko-naziskin te Jales
Liberalizojeni shkollen o njerez per te gjithe ata qe duan te vazhdojne studimet. Bejeni vitin e pare te shkolles si vit seleksionues, kush ka tager te studjoje, le te vazhdoje, kush nuk ka te gjeje nje dege tjeter.
Po ktheni kohen e monizmit mbrapsh ku shumica ngelej klase punetore se nuk kishin mesatare. Truri i njeriut e arrin pjekurine e tij rreth moshes 25 vjecare, ka femije/te rinj qe nuk mesojne shume ne gjimnaz po duke u rritur duke u pjekur, mund te jene nxenes te mire ne universitet.
Keshtu u vini nje damke te gjithe atyre nxenesve mesatare ose nen mesatare te gjimnazit nderkohe qe dhe ata kane kapacitete.
Na rrofshi per qeveri, ne vend qe ti sherbeni gjithe popullit, jeni ne ato poste vetem per me te pasurit, me te zgjuarit, me te shkathtet. Pjesa tjeter e popullit nuk ju intereson, prandaj dhe gjithe ata njerez duan te ikin, ne vitin 2019… rreth 30 vite pas shembjes se monizmit. Sa keq!
O zonja ministre, nuk ulet analfabetizmi per 1apo 2 vjet. Kush ta tha ty kete gje?! Ne qe punojme ne arsim mendojme dhe I shohim gjerat ndryshe. Ndersa ju nga zyra juaj I shihni si shume roze. Duhet te zbrisni ne toke dhe te shihni realitetin ashtu sic eshte. Boll me propagande se na I shpifet.
Mesuesit nuk jane as te PD-se as te PS-se. Ata si puna juaj qe e çuan arsimin ne kete derexhe jane te politikes. I keni bere mesuesit te flasim me vete nga letrat qe plotesojne, Arsimimi eshte ora e gjalle e mesimit dhe jo si ti plotesojme letrat qe te na gjeje mire kontrolli. I keni ndryshuar politikat arsimore çdo 5 vjet. Mbeshtetuni ne traditen dhe mos merrni shembuj nga Finlanda e Skocia se ata ekane zhvilluar ne kushtet e veta e jo per ne.
Po’ nuk po vine as me mesatare 5 per tu regjitruar per mesuesi jo me me 8 shikoni matematiken, fiziken ku akoma ne shkolla si Sami Frasheri mbani akoma nje plake qe eshte ne menopause dhe jep matematike dhe po ju a nxin nxenesve, kur keni mesues kaq shume perse nuk e nxirrni ne pension te gjoren.