Te fundit
Berlin, ministrja Xhaçka me ftesë të veçantë në ceremoninë rezervuar për presidenten e re të Komisionit Evropian
15 Gusht 2019, 18:24Politika
TEMA
Me ftesë të veçantë të ministres së re të Mbrojtjes së Gjermanisë Annegret Kramp-Karrenbauer, ministrja e Mbrojtjes Olta Xhaçka do të marrë pjesë sot në mbrëmje, në ceremoninë e përcjelljes së ministres së sapodorëhequr të Mbrojtjes të Gjermanisë Ursula von der Leyen, e cila u zgjodh presidente e Komisionit Evropian.
Në ceremoninë ushtarake me traditë 200-vjeçare, që u rezervohet personaliteteve më të spikatura të politikës do të marrin pjesë bashkëpunëtorët dhe miqtë më të afërt të ish-ministres Ursula von der Leyen.
Vetëm pak javë përpara se të zgjidhej në detyrën më të lartë të Bashkimit Evropian, znj. von der Leyen, në cilësinë e ministres së Mbrojtjes, priti në një vizitë zyrtare në Berlin ministren Xhaçka.
Në ceremoni do të jetë e pranishme edhe kancelarja Merkel, e cila do të mbajë fjalën e rastit.
Znj. Ursula von der Leyen është e para grua që zgjidhet presidente e Komisionit Evropian dhe pritet ta marrë detyrën më datë 1 nëntor 2019.
1 komente në “Berlin, ministrja Xhaçka me ftesë të veçantë në ceremoninë rezervuar për presidenten e re të Komisionit Evropian”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Bundestagu po s’hapi negociatat me Tiranën këtë vjeshtë, do kemi të bëjmë ” nusja dhe shtetrrethimi ”.