Te fundit
Trafikantët kërcënojnë me jetë qytetarin pse nuk iu dha tokën për të mbjellë hashash, policia mbyll sytë
22 Gusht 2019, 17:45Kronika
TEMA
Dy trafikantë droge kanë kërcënuar me jetën e tij dhe të familjarëve një qytetar nga Skrapari, pse nuk iu ka dhënë tokën e tij, për ta mbjellë me hashash.
Ngjarja ka ndodhur pak kohë më parë, ndërkohë që i kërcënuari, Gentur Zyko, ka bërë denoncim edhe në polici.
Por, çuditërisht policët nuk e kanë marrë seriozisht kërcënimin, dhe i kanë thënë denoncuesit që ta zgjidhë privatisht këtë çështje.
Zyko, i cili jeton në Tiranë, por ka prona në zonën e Skraparit, nga është edhe me origjinë, ndjehet i frikësuar për jetën e tij dhe të familjes, pasi trafikantët e kanë kërcënuar në mes të ditës dhe në prani edhe të dëshmitarëve, ndërkohë që policia nuk reagon.
Mësohet se trafikantët i kanë nxjerrë edhe armët Zykos, në momentin e kërcënimit, si për t’i treguar se e kishin seriozisht.
Për shkak të kërcënimeve me jetë të tij dhe familjarëve të vet, Zyko është detyruar të mbyllë edhe biznesin e tij në Tiranë, një sallon parukierie.
Zyko i frikësohej një sulmi në biznesin e tij, duke qenë se kërcënuesit i bënë të ditur se e dinin që kishte edhe një sallon parukierie në Tiranë, dhe në ndonjë nga ditët e ardhshme, mund t’i bënin një vizitë, nëse nuk ndërronte mëndje.
Për momentin, nuk ka ende ndërkohë, asnjë reagim nga Policia.
Lini një Përgjigje
Më të lexuarat
24 oret e fundit
Javen e fundit
Blog Tema
