Mul Noka: Saimir Tahiri i ka përgjuar të gjithë, edhe Ambasadat

Saimir Tahiri i ka përgjuar të gjithë përfshirë edhe një pjesë të Ambasadave të huaja në Tiranë.

Këtë pohim e bëri i Flamur Noka, gjatë një intervistës së tij në “Top Talk” në Top Channel.

Zyrtari i Partisë Demokratike tha se me këto përgjime Tahiri kontrollon “Shefin e Madh”, që Noka nënkupton Edi Ramën.

I pyetur për vendimin e Gjykatës së Krimeve të Rënda për dënimin e Tahirit me shërbim prove, Noka tha se Partia Demokratike nuk kishte asnjë pritshmëri, pasi procesi u shkatërrua, sipas tij, nga kryeprokurorja Arta Marku.

“Pritshmëritë tona i kemi publike që ditën që është emëruar kryeprokurore PPP-ja me emrin Arta Marku. Që ditën që Prokuroria e Krimeve të Rënda u shkatërrua me një të rënë të lapsit dhe hetimi i sapo i nisur nga ish-ministrit Tahiri u ndërpre.

Që në atë kohë ne kemi bërë me dije se e gjitha kjo ishte një skenar i Edi Ramës për të shkatërruar hetimin ndaj Saimir Tahirit, pasi siç u vërtetua dje, Edi Rama është peng i Saimir Tahirit, ndërsa drejtësia është peng te Edi Rama.

Nuk kemi patur ndonjë pritshmëri në lidhje me vendimin. Por vendimi ishte shok për opinionin publik sepse tregoi që drejtësia e re e Edi Ramës është drejtësi e vdekur”, tha Noka.

Ish-ministri i Brendshëm theksoi sërish se: “U demonstrua publikisht se drejtësia e re me të cilën Rama ka ushqyer shqiptarët për kaq shumë kohë është drejtësi e vdekur.”

Sipas Nokës, me pajisjen Imsi Catcher është përgjuar opozita dhe Ambasadat e huaja në Tiranë. Por ai theksoi se ish-ministri Tahiri nuk ka patur nevojë të shantazhojë ambasadorët përsa kohë shantazhon kryeministrin e vendit.

“Pajisja Imsi Catcher, fakti që u fut në mënyrë të fshehtë dhe që ka lëvizur në të gjitha institucionet ku ka opozitë, përfshirë edhe Ambasadat e rëndësishme, do të thotë që ajo lëviz vetëm për të përgjuar dhe ka një rreze përgjimi.

Nuk ka patur nevojë të shtantazhojë ambasadat e huaja sepse ai ka shantazhuar dhe ka në xhep kryeministrin e vendit”, tha Flamur Noka.

Doshi e Sterkaj i ankohen për deputetët e Shkodrës, Rama: Kur ulem unë me Berishën e Metën, pse nuk uleni ju?

16:02 Politika

Reagimi i parë i PS pas vendimit për Tahirin

15:06 Politika

"Skardu", parajsa e alpinistëve në Pakistan

13:24 Politika

“80% e drejtorëve do ikin”, porositë e Ramës për bashkitë e Qarkut Shkodër

13:01 Politika

Bujar Nishani: Ju tregoj provat bazike që narkoregjimi fshehu për Saimir Tahirin. Shqiptarë duhet të reagojmë përndryshe do të shuhemi mbi këtë dhe

12:28 Politika

Flamur Noka revoltohet: Duhet rrëzuar me patjetër Rama me Tahirët e tij, nuk ka rrugë tjetër

11:33 Politika

Dënimi i Saimir Tahirit, reagon ambasadori i BE: Nuk mund të komentoj vendimin pa lexuar dosjen

11:23 Politika

Rama mbledh koordinatorët e veriut në Velipojë, në takim Lleshaj, Sterkaj dhe Tom Doshi

10:54 Politika

“Zëri i Amerikës”: Vendimi, një ‘fitore si e Pirros’ për Saimir Tahirin dhe shuplakë për Prokurorinë, që nuk vërtetoi dot akuzat

10:46 Politika

Ambasadori Soreca: Censusi do të jetë baza e negociatave, shpresa ime të çelen sa më shpejt

10:00 Politika