Serbia nuk ndalet, Vuçiç kërkon nga Greqia të mos e njohë Kosovën

Presidenti i Serbisë, Aleksandar Vuçiç, kërkoi nga kryeministri grek, Kyriakos Mitsotakis, që Greqia të mos e ndryshojë qëndrimin për mosnjohjen e Kosovës, duke thënë se një gjë e tillë është jashtëzakonisht e rëndësishme për Serbinë.

Dy liderët u takuan në margjina të Asamblesë së Përgjithshme të Kombeve të Bashkuara në Nju Jork, bëri të ditur shërbimi për media i Presidencës serbe.

Sipas komunikatës së lëshuar të martën, Vuçiç tha se popullin serb dhe atë grek i lidh një miqësi e sinqertë dhe se është e nevojshme të punohet për forcimin e bashkëpunimit ekonomik.

Vuçiç tha se e falënderon Greqinë për mbështetjen që i jep dialogut midis Beogradit dhe Prishtinës për normalizimin e marrëdhënieve.

Në komunikatë thuhet se Vuçiç e njoftoi kryeministrin grek edhe me, siç u shpreh, problemet që kanë lindur pas vendimit të autoriteteve në Kosovë për t’iu vënë taksë prodhimeve të importuara nga Serbia.

Mitsotakis, në anën tjetër, tha se Greqia e mbështet dialogun, por konsideron se “veprimet e njëanshme nuk kontribuojnë në të”.

Mitsotakis po ashtu tha se Greqia nuk ndryshon qëndrim kur është në pyetje njohja e Kosovës.

Greqia, së bashku me Spanjën, Sllovakinë, Qipron dhe Rumaninë, janë pesë vendet e Bashkimit Evropian që nuk e njohin ende pavarësinë e Kosovës, të shpallur në shkurt të vitit 2008.

Javë më parë, presidenti i Çekisë, Millosh Zeman, ka thënë se do të diskutojë me zyrtarët kushtetues mundsinë që vendi i tij ta tërheqë njohjen e Kosovës si shtet të pavarur.

Serbia, tash e sa kohë, thuhet se është angazhuar në një fushatë për të bindur shtetet që e kanë njohur Kosovën që të zmbrapsen nga një hap i tillë.

Rusia shpall të zhdukur informatorin e dyshuar të CIA-s

16:34 Rajoni

BE: Mbështesin vazhdimin e dialogut dhe arritjen e një marrëveshje Kosovë-Serbi

14:00 Rajoni

Serbët "zbulojnë" planin sekret të Uashingtonit për Ballkanin: Kosova ndahet, por shqiptarët bashkohen

09:37 Rajoni

Greqi, arrestohet në aeroport "skuadra e volejbollit"

09:26 Rajoni

Hashim Thaçi: Marrëdhëniet e Kosovës me SHBA dhe BE nuk do të cenohen asnjëherë

21:38 Rajoni

Ramush Haradinaj sulmon Ramën: Disa po kërkojnë ndihmë në Tiranë, e Tirana mezi po kryen punët e veta, mund të qeverisim vetë

15:13 Rajoni

Duhet një MAP për Kosovën

15:06 Rajoni

Ish-kryeministri i Serbisë Koshtunica: Zgjidhja për Kosovën, si Hong Kongu

13:20 Rajoni

Greqia “kryeqyteti” europian i cigareve të falsifikuara

09:33 Rajoni

Babai ngacmon seksualisht dy vajzat e tij, ndërhyn fqinji për t’i shpëtuar

09:13 Rajoni