Te fundit
Mallkuar qoftë sistemi, tradhëtojini të gjithë, por jo Olsi Ramën!
6 Tetor 2019, 14:00Sport
TEMA
Një vit më parë, sipas një pakti të bërë nga shefat, futbollistët e Partizanit do të ndryshonin stilin e jetës, duke preferuar urtësinë në vend të rebelimit. E gjithë kjo sakrificë në emër të titullit kampion , i cili do të luhej sipas sloganit “Luaj dhe hesht”.
Por, duke njohur zakonet dhe veset e sistemit të presidentit Duka, të gjithë e parashikonin se do të vinte një ditë që edhe Partizani të tradhëtohej, siç ka ndodhur me kampionët e e viteve të “demokracisë”.
Fill pas ndeshjes me Teutën, njeriu që mbylli gojën e kuqe përgjatë një sezoni, ai që “demin” e shndërroi në dele, duke ia prerë brirët, ka inaguruar fillimin e protestës për këtë kampionat.
Rama i futbollit, e dinte se të gjithë mund të tradhëtoheshin, të gjithë mund t’i provonin paudhësitë që zbresin si lumë nga zyrat, veç Partizani i tij nuk do të prekej…
Dëgjoni fjalët e tij dhe nuk të besohet që e flaku kaq shpejt petkun e të urtit : “ Kemi luajtur 10 kundër 12 kundërshtarëve!”
Sa na kishte marrë malli që të dëgjonim Partizanin duke interpretuar rolin e viktimës.
Apo kur shikon se në rolin e rebelit është vetë Olsi Rama, “prifti” që prediktonte nënshtrim dhe përulësi, si armët që do ta çonin në fitoren e përhershme. Kur thotë se “luajtën 10 kundër 12 vetëve”, disa kujtojnë se e ka me arbitrin, por thumbi ngjitet sipër tek salla e ruletit, aty ku hidhen zaret e fatit për ekipet.
Një fat që nuk do të jetë aq i bekuar për Partizanin dhe vetë shef Olsin, sepse në fund të fundit, për ta mbajtur gjallë këtë gënjeshtër lojë ..të gjithë meritojnë të tradhëtohen! (Sfidanti.al)
1 komente në “Mallkuar qoftë sistemi, tradhëtojini të gjithë, por jo Olsi Ramën!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
po nuk u zhduk Armand Duka ky hajdut me cozme.futbolli jone nuk ecen