Muli po sulmohet nga organizatorët e Kuvendit Mbarëkombëtar se u ka marrë protestën. Lelo, i cili monitoron sulmet e tyre ndaj Mulit, ia tha këtë sot me shqetësim.

– Duhet të bëjmë diçka – i tha – se po të sulmojnë që u ke marrë protestën.

– Ç'punë kam me ta unë? – tha Muli. – Nuk u kam marrë asnjë protestë. Unë e kam protestën paradite, te Kuvendi. Ata e kanë pasdite. Ne jemi turni i parë, ata janë turni i dytë dhe i tretë.

– Po pikërisht për këtë thonë se po përpiqesh t'ua marrësh kontrollin me forcë.

– Po këta të mijtë kështu kanë protestuar 35 vjet. Nuk protestojnë me lule.

– Sidoqoftë, duhet të mbajmë një qëndrim – i tha Lelo. – Nuk duhet t'i lëmë të spekulojnë.

– I vetmi qëndrim që duhet të mbajmë është t'u marrim edhe Kuvendin – tha Muli. – Ata që janë në Kuvend kanë qenë të gjithë te Foltorja më parë. Ne i përzumë nga Foltorja se na rriheshin me njëri-tjetrin. Tani po rrihen në Kuvend. Të shkojmë të vëmë rregull edhe aty dhe biem rehat.

– Edhe kjo është një mënyrë e mirë – tha Lelo. – Por në radhë të parë duhet t'ua sqarojmë se nuk ua kemi marrë protestën. Ata kanë tentuar të marrin protestën, se protesta është markë e PD-së. Ne thjesht kemi vendosur rregull. Po kanë bythë, le ta provojnë.

– Kjo zgjidhet duke marrë Kuvendin. Kam një skemë – tha Muli. – Është shumë e thjeshtë.

– Si?

– Hapim fjalë që ky Rama u ka dhënë nja dy prej atyre të Kuvendit nga një milion euro që të pranojnë Besën. Pastaj e zgjidhin vetë me njëri-tjetrin kush i ka marrë ato lekë.

– Gjeniale! – tha Muli. – Kam dyshimet e mia për këtë, pavarësisht se ti e thua kot. Se zakonisht ofertat më vijnë mua. Kanë kaluar mbi pesëdhjetë ditë dhe s'më ka ardhur asnjë ofertë. Me siguri është e vërtetë.

Norris merr fitoren e parë në garën e 11-ë sezonale, Ferrari zhgënjen në Hungari! Antonelli i qetë në renditjen e përgjithshme

Zjarr në Gargano të Italisë, turistët evakuohen në anijet e Rojës Bregdetare, flakët përhapen me shpejtësi drejt disa zonave të banuara

Grevë në doganat greke, pezullohet përkohësisht lëvizja e automjeteve në katër pika kufitare me Shqipërinë

Tërmetet shkatërrimtare në Venezuelë, 5.546 viktima. Dëmet arrijnë në 19,6 miliardë dollarë

Sulmet ruse në disa rajone të Ukrainës, 8 të vrarë dhe dhjetëra të plagosur

Lufta në Lindjen e Mesme trondit tregun e naftës! Kina ul importet, SHBA përdor rezervat strategjike