Pas humbjes së kandidates franceze për në Komisionin e BE, Sylvie Goulard, presidenti i Francës e ka rritur presionin ndaj presidentes së ardhshme të Komisionit të BE-së, gjermanes Ursula von der Leyen.

Presidenti i Francës Emmanuel Macron pas dështimit të kandidates së Francës për Komisionin e BE-së ka paraljamëruar për “krizë politike”. “Ka një Komision të ri, një Parlament të ri Europian që të dy po konfrontohen me një krizë politike”, tha Macron.

Nuk duhet të lejojmë, që kjo të avancojë më tej. “Unë besoj, se është e rëndësishme të kemi një komision të fortë, që të mund t’i realizojë projektet ambicioze.” Macron bëri thirrje, se duhet të kapërcehen tensionet.

Parlamenti Europian të enjten (10.10) e refuzoi kandidaten franceze ish-ministren e Mbrojtjes Sylvie Goulard për Komisionin e ri të BE-së. Ajo ishte propozuar të drejtonte sektorin e Industrisë dhe Tregut të Brendshëm në Komisionin e BE-së.

Një problem për të ishin ndër të tjera edhe hetimet lidhur me një aferë për punësim të rremë. Kjo aferë bëri që ajo të tërhiqet nga posti i ministres së Mbrojtes në vitin 2017.

Macron bëri drejtpërdrejt përgjegjëse për këtë dështim presidenten e ardhshme të Komisionit të BE-së, Ursula von der Leyen. Ai tha, se ajo vetë kishte insistuar për Goulard, të cilën e njeh nga koha si ministre e Brendshme dhe se kishte llogaritur me miratimin e saj në parlament.

Macron duhet t’i jetë drejtuar von der Leyen me fjalët: “Kujdes, do kemi diskutime.” Një zëdhënëse e komisionit në Bruksel tha, se “as nuk e mohon dhe as nuk e konfirmon këtë”.

Sekretarja e shtetit në Francë për Europën, Amélie de Montchalin, e paralajmëroi Ursula von der Leyen, se Komisioni i ri me gjasë nuk mund të nisë më 1 nëntor sipas planifikimit punën e tij.

“Ursula von der Leyen duhet të thotë tani, se çfarë pret nga Franca”, kërkoi de Montchalin. Në shtypin francez refuzimi i kandidates Goulard vlerësohet si një dështim i rëndë për Macron.(dw)

2 komente në “Pas dështimit në BE Macron paralajmëron për “krizë politike””

luani says:

12 Tetor, 2019 14:48 te 2:48 pm

Rregullo shtetin tend (Francen ) more rrot se nuk ka mbet me rregullu ti Europen , se pa u zgjedh mire president ne vendin tend ti me pare shprehej se do bejme nje reformim Bashkimit Europjan , ndersa ishte me mire te bejr rreformim ne Francen tande si fillim dhe kur ta beshe Francen model atehere te shpreheshe per Europen se edhe bolet ndoshta te beheshin me te medha se te Merkelit .

Përgjigjjuni
rexha 10 says:

15 Tetor, 2019 11:49 te 11:49 am

NA SHKELQEU AJO FRANCEZJA LINGARDE ,DHE U ZBULUA TALENTI I RI PRAPE FRANCEZE. SHIKONI SE MOSE E KA FAJIN SHQIPRIJA DHE MAQEDONIJA E VERIUT. JU KENI KONFLIKTE ME NJERZIT SE PERSE NUKE VENDOSEN NE PIKAT KYCE PER TE DREJTUAR INSTITUCIONET E EUROPES PER INTERESA EKONOMIKE.HENGESHIT NJERI TJETRIN ME KETO DJALLZIRA.
EDHE MAFJA POLITIKE SHQIPTARE NGA JU KA MARRE SHEMBULL QE VEPRON NE KETE MYNYRE. BENI SI THEME ,DHE MOSE BENI SI BEJE UNE O MAKARON .ME FALE SE DESHA TE THEME MAKRON.

Përgjigjjuni