Te fundit
Nis Universiteti, Balfin i dhuron laboratorin e informatikës Fakultetit të Ekonomisë
14 Tetor 2019, 18:03Sociale
TEMA
Gjatë ditës së sotme, u inauguruan pranë Fakultetit Ekonomik të Universitetit të Tiranës 3 laboratorë të rinj informatike dhe disa salla të restauruara leksionesh që do t’u shërbejnë studentëve të këtij fakulteti.
Nën kujdesin e veçantë të Presidentit Samir Mane, Grupi Balfin mundësoi një ndër laboratorët e rinj në fjalë, të cilat u inauguruan dhe inspektuan sot nga Ministrja e Financës dhe Ekonomisë znj. Anila Denaj, Drejtoresha Ekzekutive Grupit Balfin znj. Edlira Muka dhe Dekani i Fakultetit Ekonomik z. Dhori Kule.
Për shkak të numrit të madh të studentëve të vitit të parë të pranishëm, të cilët sot kishin ditën e tyre të parë të vitit të ri akademik, prezantimi u bë fillimisht tek “Aula Magna” pranë Godinës së “Lirisë” në Qytetin Studenti dhe më pas të ftuarit dhe të pranishmit u zhvendosën në Fakultetin Ekonomik për të parë nga pranë donacionin e lartpërmendur.
Kule e falenderoi Grupin Balfin për donacionin e bërë dhe i inkurajoi studentët që të dalin me rezultate të larta për të kontribuar në përmirësimin e ekonomisë së Shqipërisë.
Grupi Balfin ka qenë mjaft i angazhuar në përgjegjësinë sociale gjatë viteve të fundit. Balfin është një ndër të paktat biznese shqiptare, i cili e ka vënë në fokusin e tij zhvillimin e qëndrueshëm të komuniteteve ku operon, duke përqafuar SGDs (Sustainable Development Goals)- Objektivat e Zhvillimit të Qëndrueshëm të OKB-së, për të cilin Grupi ka hartuar një strategji të mirëfilltë të cilën e aplikojnë të gjitha kompanitë.
Nën vëmendjen e veçantë të vetë Presidentit të Grupit z. Samir Mane, në mënyrë direkte apo edhe në bashkëpunim me organizata të ndryshme jo-Qeveritare dhe fondacione, Grupi Balfin po mbështet programe të ndryshme që kanë të bëjnë me përmirësimin e proceseve mësimore në edukim, në gjithë-përfshirje, në mirërritjen e fëmijëve, në mjedis, si dhe në përmirësimin e jetesës dhe uljen e varfërisë së mbi 40 familjeve në çdo skaj të vendit.
3 komente në “Nis Universiteti, Balfin i dhuron laboratorin e informatikës Fakultetit të Ekonomisë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
O Z. Mane dhuroji dhe Jorgaq Kacanit ca batanije leshi te mbulohet per dimrin qe po i vjen. Gjysmat ti shese tek gabi gjysmat tja dhuroje “Yllkes” se vet. Yppppppp xhixhi
Asgje nuk behet per asgje..”vaji ne lakra bie” i themi ne nga anet tona..
Sa bujar ky i Balfin? E ka vrare ndergjegja per miliardat publike qe fut ne xhep!