Te fundit
Raporti i Komisionit të Venecias, reagon Meta: Opinioni përfundimtar konfirmoi të gjitha qëndrimet e mia
14 Tetor 2019, 13:29Politika
TEMA
Ilir Meta ka reaguar menjëherë pasi Komisioni i Venecias publikoi raportin zyrtar për çështjen e dekretit te presidentit për zgjedhjet lokale të 30 qershorit.
Në një deklaratë për mediat, Meta thotë se “si asnjëherë tjetër, Opinioni përfundimtar pësoi ndryshime thelbësore nga projekti paraprak
Deklarata e Ilir Metës:
Presidenti i Republikës Sh.T.Z Ilir Meta vlerëson se Opinioni përfundimtar i Komisionit të Venecias konfirmoi të gjitha qëndrimet e Presidentit të Republikës.
Si asnjëherë tjetër, Opinioni përfundimtar pësoi ndryshime thelbësore nga projekti paraprak.
Ndër konkluzionet kryesore u evidentua se:
1. Presidenti i Republikës nuk ka shkelur Kushtetutën dhe nuk ka tejkaluar kompetencat e veta kushtetuese.
2. Presidenti i Republikës pati qëllim legjitim, që synonte shmangien e gjakderdhjes, mbrojtjen e pluralizmit politik, ruajtjen e stablitetit dhe të kredencialeve demokratike të vendit.
3. Kompetencat kushtetuese të Presidentit nuk janë formale.
4. Dekretet e Presidentit janë në fuqi dhe nuk u sfiduan përpara asnjë gjykate.
5. Zgjedhjet parlamentare kanë status më të lartë kushtetues se zgjedhjet vendore.
Presidenti i Republikës shpreh keqardhjen që gjatë katër muajve u shpërdoruan energji që do të duhet të ishin në shërbim të integrimit europian të Shqipërisë dhe vendimit të shumëpritur për çeljen e negociatave të anëtarësimit në BE. (TemA)
2 komente në “Raporti i Komisionit të Venecias, reagon Meta: Opinioni përfundimtar konfirmoi të gjitha qëndrimet e mia”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
hahaha po si e lexon ai opinionin se tjeter thuhet aty e tjeter thote “our clo(w)ne president”
Humor, presidenti e lexon sic e mendon vete, pavaresisht se venecia ka shkruar disa rradhe qe nuk kane asnje gje te perbashket me dekllaratat e presidentit qe luan me top ne gjiun e lales