Si shpjegohet inati i Macron me Shqipërinë dhe si po e lëmon Merkel qimen e tij të egër

Presidenti francez Emmanuel Macron kërkoi ndryshime në sistemin e prurjes së anëtarëve të rinj në Bashkimin Evropian, duke e quajtur sistemin aktual si “të çuditshëm”. Megjithatë, Parisi duket se është i vetmi që po lufton për këtë kauzë, shkruan politico.eu.

Në një takim të ministrave të BE në Luksemburg, Franca hodhi poshtë mundësinë e hapjes së bisedimeve të anëtarësimit me vendet e Ballkanit Perëndimor, Shqipërinë dhe Maqedoninë e Veriut.

Macron u mjaftua me një deklaratë të shkurtër

Ndërsa Parisi kishte disa aleatë në refuzimin e bisedimeve për Shqipërinë, qeveria e Macron qëndron e vetme sa i përket bllokimit të hapjes së negociatave, thonë diplomatët.

Qëndrimi i Francës shkaktoi madje zemërim midis disa anëtarëve të tjerë të BE-së dhe çështja do të debatohet në samitin e kësaj jave. Kancelarja gjermane Angela Merkel është në mesin e atyre që po e “lëmojnë” Francën, në përpjekje që të zbusë pozicionin e saj kryeneç.

Kritikët e Francës e argumentojnë qartë se hapja e negociatave vendos themelet për të stabilizuar Ballkanin – rajonin e paqëndrueshëm të BE-së.

Ata madje kanë lavde më të mëdha për Maqedoninë e Veriut që ka përmbushur kushte të vështira të vendosura nga BE, përfshirë ndërrimi i emrit. Mosshpërblimi i Shkupit do të dëmtonte keq besueshmërinë e bllokut.

Disa diplomatë të BE-së dyshojnë se Macron po përdor çështjen e zgjerimit të BE-së si një mjet për të fshehur lëshimet e tij në fushat e tjera të politikës.

Por, në një konferencë të përbashkët shtypi me Merkel në qytetin francez Toulouse, Macron këmbënguli se procesi i pranimit ka nevojë për ndryshim thelbësor.

Macron u përpoq të bënte një krahasim me një shtëpi të përbashkët për të ilustruar pikëpamjen e tij që BE-ja duhet të reformohet.

Ai e bëri të qartë se nuk mund të pranojë hapjen e bisedimeve me Shqipërinë në këtë fazë, por duket se do po linte hapësirë për manovrim lidhur me Maqedoninë e Veriut.

“Unë mendoj se duhet ta reformojmë këtë procedurë, e cila për momentin është e papërshtatshme dhe jo përparimtare”, tha ai. “Ne bëjmë gjëra që janë të çuditshme … Ne u japim liberalizimit të vizave, të drejtën për të lëvizur lirshëm midis vendeve tona, para se të hapim negociatat.”

Macron përmendi shembullin e Shqipërisë, qytetarët e së cilës mund të udhëtojnë në Francë pa vizë, megjithëse nuk ka filluar bisedimet e anëtarësimit në BE.

“Është e çuditshme, si mund të krijojmë këtë lloj marrëdhënieje?”, tha ai.

Ai pyeti se si mund t’i thoshte francezëve se “gjithçka po shkon mirë dhe se do të fillojmë negociatat” me Shqipërinë, kur “mijëra e mijëra e mijëra” shqiptarë kërkojnë azil në Francë.

Macron këmbënguli se ai dëshiron t’u dërgojë një sinjal pozitiv drejtuesve të Maqedonisë së Veriut dhe Shqipërisë për përpjekjet e tyre për të përmirësuar sundimin e ligjit dhe standardet demokratike. Ai tha se gjithashtu pajtohet me Merkel që Ballkani ka një rëndësi të madhe strategjike për BE-në. Por ai tha që gjërat duhet të bëhen “sipas rregullit”.

“Në një frymë serioziteti dhe duke pasur parasysh diskutimet që kemi pasur, kjo më bën të mendoj se ne jemi ne ata që duam më shumë kohë për t’i vendosur gjërat në rendin e duhur”, tha ai.

Macron bëri një krahasim me një shtëpi të përbashkët për të ilustruar pikëpamjen e tij që BE-ja duhet të reformohet, para se të mendojë të marrë anëtarët e rinj.

“Evropa është një shtëpi e madhe dhe e bukur, në të cilën jetojmë së bashku”, tha udhëheqësi francez.

“Disa vjet më parë, një anëtar i familjes vendosi të largohej dhe është në telashe. Dhe ne ndonjëherë kemi probleme për të rinovuar shtëpinë, për të riparuar dritat, energjinë elektrike. Dhe nga qoshet, kemi shumë anëtarë që i pyesim: ‘a jeni gati të investoni për të riparuar dritat, për të rregulluar derën?’ e ata thonë: “Jo, nuk investojmë në këtë shtëpi. Jo më shumë se 1 përqind”. Por të njëjtët njerëz thonë, “Edhe pse ne nuk dimë se si rinovohet shtëpia, ne dëshirojmë të ftojmë në miq të rinj këtu”.

Edhe pse Macron dhe Merkel u përpoqën të minimizojnë kundërshtimet e tyre në këtë pikë, kjo vërejtje mund të interpretohet si një pajtim me zor në Berlin. Ky i fundit ka thënë se dëshiron që kontributet në buxhetin e ardhshëm afatgjatë të BE të mos jetë më shumë se 1 përqind e të ardhurave bruto kombëtare.

Merkel, nga ana e saj, tha se mbështet thirrjen franceze për të reformuar procesin e pranimit, por vuri në dukje se ekziston një pyetje e hapur se cilat kushte duhet të plotësojnë Maqedonia Veriore dhe Shqipëria para se të fillojnë bisedimet.

“Ndoshta ekzistojnë pozicionime të ndryshme për këtë çështje, por ne do të flasim se deri ku mund të arrijmë drejt një qëndrimi të përbashkët,” tha Merkel.

“Çdo gjë në Këshillin Evropian duhet të vendoset unanimisht, kështu që ne jemi të detyruar – siç kemi bërë  shumë shpesh – të gjejmë pozicione të përbashkëta, të cilat shërbejnë për të gjithë, dhe jo për interesant e Francës apo Gjermanisë.” (Tesheshi)

Besnik Muçi betohet para Metës si anëtar i ‘Kushtetueses’, pa vendimin e vetting-ut

19:43 Politika

“E gjithë Europa po kritikon me neveri Francën, vetëm Basha dhe Berisha e falenderojnë. Kjo është e turpshme”

19:30 Politika

Eduard Kukan nuk përmbahet: Jam i neveritur dhe i indinjuar nga Franca, i papërgjegjshmi Macron po luan rolin e sabotuesit

19:23 Politika

Basha, vërejtje për pamjen fizike të Ramës: Paraqiten si patriotë të mëdhenj, me mjekër si Ismail Qemali

19:18 Politika

Lulzim Basha sulmon Komisionin Europian: Ka manipuluar raportet për Shqipërinë, duke vlerësuar Qeverinë

19:09 Politika

FOTOT: Kur pamja tregon më shumë se fjalët

19:02 Politika

Lulzim Basha: Gjermania na tha "Po" prej meje, ndërsa Rama puthej me Mogherinin dhe kujtoi se ia hodhi Europës

18:54 Politika

“Jo”-ja për negociatat, Majlinda Bregu: Ky vendim në kurriz të qytetarëve të thjeshtë

18:46 Politika

Rama: Edhe Zvicra po të kishte aplikuar, nuk jam i sigurt nëse do t’i hapeshin negociatat mbrëmë

18:35 Politika

Edi Rama po na thotë “të kemi shëndetin!”

18:24 Politika