Te fundit
EMRAT dhe FOTOT: Viktimat e tërmetit të 26 nëntorit
28 Nëntor 2019, 16:39Politika
TEMA
Tërmeti i fuqishëm që ra më 26 nëntor në orën 3 e 54 minuta të mëngjesit i mori jetën disa dhjetëra qytetarëve.
Më poshtë janë listuar emrat dhe fotot e disa prej tyre.
Bajram Hajdërmataj, 54 vjeç Bajram Hadërmataj, pedagog në Akademinë e Rendit që ndodhej në ndërtesën brenda Kavalishencës, në momentin e tërmetit. Kryekomisari që prej javës së kaluar kishte filluar trajnimin e të rinjve në radhët e Policisë.
Vëllezërit nga Kosova Isah Abazi, 29 vjeç dhe Shemsedin Abazi, 32 vjeç Dy djemtë nga Gjilani i Kosovës, prej vitesh punonin në Durrës. Të dy kryefamiljarë, për fatin e keq në natën e tërmetit ishin në një ndër hotelet që u rrëzua i tëri.
Nënë e bijë Esiela Karanxha, 8 vjeçe, humbi jetën nën rrënoja, në krahët e së ëmës, Dianës. Kjo e fundit, u shpëtua e gjallë nga rrënojat, por humbi jetën në spital. Gjatë momentit të shpëtimit, gjatë komunikimit me grupet e emergjencës, lutej vazhdimisht ta linin nën rrënoja, pasi mbante në krah të voglën e saj pa jetë. Pak vite ë parë, ajo kishte humbur edhe bashkëshortin e saj, ndërsa tani e gjitha familja u shua.
Eviola Broshka, 28 vjeçe, nga Elbasani, punonte si balerinë në Tiranë. Një vajzë e paragjykuar. Punonte për të siguruar të ardhura për të ëmën, të cilën e kishte të sëmurë. Në momentin e tërmetit, ndodhej në hotelin Mira Mare. Pas disa orësh kërkime, u gjet e pajetë nën rrënoja.
Familja Reçi Kristi Reçi, 24 vjeçe, Eduart Reçi, Dolora Reçi dhe Klaus Reçi. Familja prej katër anëtarësh u shua. Kristi Reçi, ishte studente e Fakultetit të Mjekësisë.
Erisa Cara, nuk ia doli të mbijetonte nën rrënojat e tërmetit fatal, që shkaktoi dhjetëra viktima në Durrës. Ajo u shua në moshën më të bukur. Erisa vazhdonte studimet në Universitetin e Durrësit, por tërmeti ia ndërpreu në mes ëndrrat.
Saimir Greku Saimir Greku, 31 vjeç qëndroi për orë të tëra nën rrënoja. Komunikoi vazhdimisht me ekipin e shpëtimit. Këta të fundit, ia dolën ta nxjerrin gjallë, por për shkak të plagëve të shumta, nuk ia doli të mbijetonte, ndaj ndërroi jetë në spital. Pëllumb Greku 57 Vjeç, dhe Çelike Greku, prindërit e të riut, humbën jetën gjithashtu.
Gjyshja dhe nipi Hajrie Vata 62 vjeçe, vdiq duke mbrojtur nipin e saj. Rolejdi Vata 7 vjeç, ishte gjallë pas tërmetit. Që prej mesditës së të martës, deri më sot, ishte në kërkim nga familjarët, pasi I kishte humbur të ëmës, e cila kishte tentuar t´i jepte ndihmë djalit tjetër. Ai u gjet në mesnatën e kaluar, nën rrënoja pa jetë.
Drita Cakoni 15 vjeç kërkohej nga daja i saj, prej orësh. Pak orë më vonë, trupi i saj u gjend në morg. Më pas Kastriot Cakoni, babai i saj, u gjet pa jetë nën rrënoja.
Familja Cara Një tjetër familje u shua, si pasojë e tërmetit të fundit 6.4 ballë. Fatmira Cara 53 vjeç, Hasan Cara vjeç 18, Anthi Cara vjeç 72, Almir Cara vjeç 29, Stela Zvergeci vjeç 21, e fejuara e Almir Cares, nga Korça, Erisa Cara, 25 vjeç.
Familja Cara Një tjetër familje u shua, si pasojë e tërmetit të fundit 6.4 ballë. Fatmira Cara 53 vjeç, Hasan Cara vjeç 18, Anthi Cara vjeç 72, Almir Cara vjeç 29, Stela Zvergeci vjeç 21, e fejuara e Almir Cares, nga Korça, Erisa Cara, 25 vjeç.
Kristian Preçi, 26 vjeç, kishte pak kohë që ishte liruar nga burgu. Ai kishte qëndruar 5 muaj pas hekurave, por më pas ishte lënë i lirë pasi ishte shpallur i pafajshëm. Ishte ndër viktimat e para që shënoi tërmeti.
Familja Çupi Klement Çupi, sapo ishte kthyer nga Anglia, për të qëndruar pak ditë në Shqipëri, për fejesën e të vëllait. Klementi ishte taksist në Angli, dhe për të shkruan mediat britanike, të cilët e quajtën një djalë shembullor, që zgjodhi rrugën e studimit, dhe punës së ndershme.
Deri në minutat e fundit i buzëqeshi jo vetëm ekipit të shpëtimit, por edhe aparatit, ndaj në minutat e fundit, Klementin e kujtojmë kështu, të qeshur. Bashkë me të humbën jetën edhe dy prindërit, Hajredin dhe Lutfie Çupi. Djali tjetër i familjes fatmirësisht, është nën kujdesin e mjekëve, pasi ia doli t´i mbijetonte plagëve.
Bukurie Leka
Familja Lala Në momentin e tërmetit, 9 anëtarët e familjes Lala ishin në shtëpi. Sahadetja dhe Amelia 4 vjeç ishin të parat që u nxorën pa jetë. Më vonë u nxor edhe trupi i pajetë i Griselda Lalës, 22 vjeç dhe Selvie Lalës. Marjeta, Emiljo 8-vjeç dy fëmijë binjakë dhe xhaxhai i paralizuar vazhdojnë të jenë nën rrënoja, ndërsa vetëm Ramë Lala, 17-vjeç është nxjerrë i gjallë nga rrënojat.
Lini një Përgjigje
Më të lexuarat
24 oret e fundit
Javen e fundit
Blog Tema
