Kritikat pas tërmetit, Sindikata kërkon sqarime për shkarkimin e zv.dekanit të FIN

Sindikata ka kërkuar transparencë mbi vendimin e shkarkimit nga detyra të zv.dekanit të Fakultetit të Inxhinierisë së Ndërtimit, Agim Seranaj, fill pas deklaratave kritike që ai bëri ndaj qeverisë pas tërmetit.

Nga Besar Likmeta

Sindikata e Punonjësve të Universiteve të Shqipërisë, SPUSH, ka kërkuar nëpërmjet një deklarate publike që Dekani i Fakultetit të Inxhinierisë të bëj publike arsyet e shkarkimit nga detyra të zv.dekanit, Agim Seranaj.

Në deklaratën e saj Sindikata nënvijëzon se ka regjistruar shqetësime të shumta mbi këtë vendimmarrje, qoftë nga debatet mediatike, reagimet në rrjetet sociale, si dhe në rrjetet akademike profesionale mbi mundësinë e ndikimit në këtë vendimmarrje nga faktorë jashtë universitetit.

“Mjegullës së krijuar i bashkangjitet dhe mungesa e motivacionit të plotë e shterues brenda vendimit për shkarkimin e zv.Dekanit të FIN,” shprehet Sindikata.

“SPUSH kërkon të sigurohet që kjo vendimmarrje është çliruar nga çdo lloj ndikimi, si dhe nuk ka të bëjë me qëndrimet profesionale të zotit Seranaj, qofshin ato të shprehura në media, duke i konsideruara qëndrimet e tij si personale dhe të mbështetura në të drejtën Kushtetuese të shprehjes së lirë të mendimit, qoftë dhe para publikut të gjerë,” shtoi ajo.

Seranaj u bë një emër i njohur në media pas tërmetit vdekjeprurës së 26 nëntorit, me kritikat e tij ndaj reagimit të qeverisë dhe institucioneve në inspektimin e dëmeve dhe përcaktimin e ndërtesave të dëmtuara. Ai u shkarkua nga detyra me datë 20 dhjetor, me një vendim të Dekanit të Fakultetit të Inxhinierisë së Ndërtimit, Neritan Shkodrani, i cili nuk ishte i arsyetuar.

Shkarkimi i Serenajt u shoqërua me akuza nga Partia Demokratike në opozitë, e cila fajësoi kryeministri Edi Rama për largimin nga detyra të zv.dekanit të FIN.

“Profesor Seranaj, një nga profesionistët dhe ekspertët më të mirë në vend, për shkak të eksperiencës së tij në këtë fushë, ka qenë pjesë e ekipeve shtetërore të vlerësimit, për të bere ekspertim të çerdheve dhe kopshteve apo institucioneve të tjera,” deklaroi nëpërmjet një postimi në Facebook, ish-deputetja e PD-së, Albana Vokshi.

“Rama ka vendosur të censurojë jo vetëm mediat, me anë të paketës që sapo kaloi në parlament, por edhe çdo zë kritik që nxjerr zbuluar përgjegjësinë direkte të tij në numrin e madh të viktimave por edhe të ndërtesave e pallateve të shembura nga tërmetet.,” shtoi ajo.

Për shkak të dhe reagimeve publike lidhur me shkarkimin e Seranajt, si dhe qëndrimeve të tij kritike ndaj institucioneve pas tërmetit të 26 nëntorit, Sindikata i kërkon dekanit të FIN dhe rektorit të Universitetit Politeknik të Tiranës, të sigurojnë opinion publik që kjo vendimmarrje nuk ka ardhur si rrjedhojë e presionit nga qeveria.

“Do të ishte në interesin akademik të institucionit tuaj që, deri në informim transparent mbi këtë vendim, të shikohen mundësitë ligjore të pezullimit të zbatimit të tij,” përfundon SPUSH.

VENDIMI: Jo vetëm 1 dhe 2, edhe 3 janari shpallet pushim për administratën. Kthehen në punë më 6 janar

18:45 Sociale

Bllokohen rreth 10 mijë lodra fëmijësh: Bizneset dhe qytetarët të kenë kujdes

16:25 Sociale

Ja cila është kompania e cila jep bursa në mbështetje të studentëve ekselentë të turizmit

16:19 Sociale

Rama dhe Veliaj i dorëzojnë çelësat e banesës së re familjes Belegu

16:00 Sociale

“Sterilizimi” në SPAK, mjeku: Kosto e një seti 2.4 euro, i paguajmë koncesionarit 190 euro

14:47 Sociale

Shqipëria në “krye” të botës: Një ndër vendet më pak diskriminuese në nivel global

22:15 Sociale

Fiks Fare, vdekja e 25-vjeçares shtatzënë, shefja e repartit: Më detyruan të dëshmoj se ishte urgjencë…

21:31 Sociale

16 orë për të shpëtuar Dienën, rrëfimi i mjekes: E mbajta me oksigjen nën rrënojat e pallatit

20:20 Sociale

I riu shqiptar, i dëbuar nga familja: Po arrita 30 vjeç i pamartuar, nuk kam ç’e dua jetën

18:56 Sociale

STUDIMI: Deri në fund të shekullit botës i duhet 80% më shumë ushqim

18:22 Sociale