Te fundit
Shpëtoi jetë nën gërmadha, Rama i jep medaljen e artë zjarrfikësit Luan Kapaj
30 Dhjetor 2019, 15:03Sociale
TEMA
Kryeministri Edi Rama i ka dhënë sot medaljen e artë të vlerësimit profesional, zjarrfikësit Luan Kapaj, i cili ishte heroi i ditëve pas tërmetit, ku shpëtoi disa jetë nën rrënoja. Në një ceremoni në ambientet e Kryeminsitrisë, Rama tha se kishte emocione që sot po jepte këtë medalje, të cilën para pak javëve ua dhuroi dhe efektivëve të huaj që morën pjesë në operacionet e kërkim-shpëtimit.
“Më vjen mirë që këtu për ta nderuar Luanin kanë ardhur edhe ata që e kanë një jetë të dytë nga Luani. Dëgjova edhe kolegë të huaj të Luanit, që u shprehën me një admirim të jashtëzakonshëm për aktet e tij. Njëri më tha se nuk arrij të kuptoj, si mund të ishte një njeri aq i gatshëm të sakrifikonte jetën e tij, edhe pse tha, që kam parë episode të jashtëzakonshme që prapë se prapë nuk janë për aq sa kujtoj”, u shpreh Rama.
Më tej, kreu i qeverisë shtoi “jam i privilegjuar dhe i prekur që jam pranë teje, sepse në kushtet e jetës së përditshme njerëzit si ti janë thjeshtë në jetën e tyre dhe ne rrallë i shohim. Të jam shumë mirënjohës dhe të falenderoj për gjithçka“.
Ndërkohë zjarrëfiksi Kapaj u shpreh se ishte krenar që kishte shpëtuar dy jetë dhe ata sot ishin me të në sallë dhe shtoi se do vijonte të bënte këtë punë deri kur të fund të jetës.
“Më shumë se sa krenar më bën krenar për dy qytetarët e mi që marrin ajrin e kësaj toke dhe shikojnë dritën e diellit. Do i shërbej popullit tim deri në ditën e fundit të jetës sime”, tha ai.
Luan Kapaj është zjarrfikësi i forcave të Vlorës që ditët pas tërmetit të 26 nëntorit, ishte në Thumanë ku ndihmoi në shpëtimin e jetëve nën rrënoja. Kapaj u cilësua si një “luan” i vërtetë, pasi ai rrezikoi disa herë jetën e tij.
1 komente në “Shpëtoi jetë nën gërmadha, Rama i jep medaljen e artë zjarrfikësit Luan Kapaj”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Bravo Luan. Qofsh i nderuar