Te fundit
“Dimri i madh”, futbolli i elitës rrezikon kolapsin
16 Janar 2020, 17:04Sport
TEMA
Vitet ikin, futbolli shqiptar mbetet në vendnumëro. Sapo jemi futur në vitin 2020, por problemet janë ato të disa viteve më parë dhe rruga për t’i zgjidhur duket e gjatë. Investimet sporadike për të ndërtuar stadiume nuk janë kurrsesi ilaçi për të luftuar “sëmundjet” që ka ky sport në vendin tonë.
Kambanat e alarmit që vijnë shpeshherë nga UEFA dhe FIFA duket se bien në vesh të shurdhët. Skuadra që kanë borxhe, skuadra që kanë probleme në bilance dhe të përjashtuara nga Kupat e Europës. Kategoria Superiore dhe elita e futbollit janë në një pikë kritike.
I LIMITUAR- A mund të themi se kampionati shqiptar është i limituar? Sigurisht që po. Të gjesh skuadra që futbollin e kanë shndërruar në biznes nga shitja e lojtarëve, nga shitja e fanellave, nga të ardhurat, nga prezenca e tifozëve në stadiume apo nga marketingu është shumë e vështirë, ose më saktë: E pamundur.
Ka raste që disa skuadra shesin lojtarë, por kjo nuk është kurrsesi nga politikat e ndërtuara nga ekipet, por nga talenti që kanë këta lojtarë. Superiorja nuk mund të shndërrohet një “brand”.
Cilësia në fushën e lojës lë për të dëshiruar dhe produkti nuk pëlqehet. Në këtë mënyrë mungojnë tifozët dhe vijnë problemet me radhë, deri aty sa falimentojnë ekipe dhe luhet për pasion. Por a mund të luhet në elitë për pasion? Kurrsesi. Futbolli për lojtarët përveçse pasion është një profesion.
Por kushtet në të cilat zhvillohet ky profesion janë të mjerueshme, në të gjitha aspektet. Vetëm derbet TiranaPartizani që mbushin stadiumin, gjenerojnë ndonjë të ardhur minimale, nuk shërbejnë për të thënë se futbolli shqiptar ka nisur të rimëkëmbet.
RREZIKU- Kampionati shqiptar po tkurret nga dita në ditë në të gjitha aspektet. Këtë sezon, Flamurtari dhe Luftëtari duken më të rrezikuarat për të rënë në Kategorinë e Parë dhe nga harta e Superiores do të fshihen dy qytete me traditë.
Dy të tjera do të vijnë dhe s’duhen paragjykuar. Por në elitë do të mungojnë qytete si Vlora dhe Gjirokastra. Do t’i shtohen një liste të gjatë që ka edhe Fierin, Lushnjën, Kavajën, Beratin Pogradecin, Elbasanin, Lezhën, Dibrën, Krujën…
Futbolli duhet të ketë një shpërndarje të madhe dhe të përfaqësojë sa më shumë njerëz, por në Shqipëri nuk ndodh kjo. Është urgjente nevoja për të ndërhyrë, ndoshta në ndryshimin e formatit, ndoshta në vendosjen e rregullave të forta dhe krijimin e lehtësirave që futbolli të shndërrohet në biznes… por jo në shitblerje ndeshjesh. (PanoramaSport)
3 komente në ““Dimri i madh”, futbolli i elitës rrezikon kolapsin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kjo ndodh pasi futbolli tek ne , eshte ende ne komunizem.
Vetem Saliu e Lulin e kthejne futbollin aty ku ka qene me pare!
Duka eshte nje idiot qe mburret me kombetaren ku vijne lojtaret nga jashte. Po te ishte me mend futbolli i moshave do kishte prodhuar talente me shumice.duka e bushi 2 injorante drejtojne futbollin shqiptar.