Te fundit
Beteja për makinat elektrike, Altmaier: Gjermania do konkurrojë Kinën në prodhimin e baterive me cilësi
9 Shkurt 2020, 20:15Lifestyle
TEMA
Ministri gjerman i ekonomisë, Peter Altmaier, tha se vendi mund të konkurrojë me kinën në prodhimin e baterive për makinat elektrike, duke këmbëngulur se blerësit e makinave në vendin e tij do të paguajnë më shumë për cilësi më të lartë të prodhuar në Gjermani.
Përparësia e Kinës në teknologjinë e baterive shihet si një kërcënim për sektorin e makinave në Gjermani, që është një burim i rëndësishëm i të ardhurave dhe vendeve të punës për vendin. Bateria është pjesa me më shumë vlerë tek një makinë elektrike dhe përbën thuajse 45% të kostos së përbërësve. Qeveria gjermane kërkon që të paktën 30% e prodhimit botëror të baterive të ndodhë në Europë.
Berlini ka premtuar mbi 1 miliardë euro për projekte europiane të prodhimit të baterive. Disa prodhuesi gjermanë, përfshirë Dailmer dhe Bosch kanë qëndruar deri më tani larg zhvillimit të teknologjisë së baterive. Altmaier mirëpriti angazhimin e Opel në ndërtimin e qelizave të baterive dhe shtoi se cilësia e inxhinierisë gjermane do t’i japë përparësi vendit ndaj furnitorëve, krahasuar me rivalët kinezë.
Analistët thonë se kompanitë kineze pritet të kenë mbi 2/3 e tregut botëror të teknologjisë së re të baterive në dekadën e ardhshme. Ky vit është i rëndësishëm për prodhuesit gjermanë të makinave, që duhet të rrisin shitjet e makinave elektrike për të shmangur gjobat nga Brukseli.
1 komente në “Beteja për makinat elektrike, Altmaier: Gjermania do konkurrojë Kinën në prodhimin e baterive me cilësi”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mercedes premtoi kete vit qe do hapte uzinen e pare te prodhimit te baterive ketu ne USA po deshtoi si projekt .Me sa flitet ne media Gjermania ka frike te hyje ne tregun e makinave elektrike se humb nje milion vende pune ne Gjermani per shkak te konkurences dhe kohes mbrapa vendeve te lindjes .llogaritet qe lindja e largme eshte te pakten 20 vjet para