Te fundit
Bashkimi Sovjetik, shtet i krijuar ilegalisht. Rusia nuk duhet të pretendojë trashëgiminë
17 Shkurt 2020, 19:52Bota
TEMA
Rusia duhet të herë dorë nga pretendimi se trashëgimtare e Bashkimit Sovjetik. Kështu ka arsyetuar një gjykatës i Kushtetuese ruse, Konstantin Aranovsky përmes një opinioni shtuar një vendimi të muajit dhjetor për dëmshpërblimin e fëmijëve të viktimave të represionit Stalinist.
“Rusia nuk e bart sistemin legal sovjetik në kuptim të ligjit, por zëvendëson një shtet të dikurshëm të krijuar ilegalisht, duke bërë llogaritë me pasojat e aktiviteteve të tij, përfshirë represionin politik. Kjo e bën trashëgiminë – me transferimin të Rusia tëe angazhimeve të regjimit komunist sovjetik në represion dhe akte terroriste – të diskutueshme”, shkruan në opinionin e vet gjykatësi Aranovsky.
Mendimi i tij ka provokuar disa reagime. Agjencia shtetërore TASS citon gjykatën të jetë shprehur se askush nuk ndalon njeri të shprehë opinionet e veta, por në këtë rast opinioni i gjykatësit nuk ka peshë ligjore. Edhe zyra e Presidentit rus i ka cilësuar mendimet e gjykatësit si personale dhe sipas zëdhënësit të Putin, Dimitry Peskov: “Rusia është ligjërisht dhe praktikisht shtet pasardhës i Bashkimit Sovjetik”.
Një tjetër shtet që operon thuajse në të njëjtën hulli është Turqia e cila pretendon se trashëgon Perandorinë Osmane, por refuzon të njohë përgjegjësitë historike që rrjedhin nga veprimet politike të saj.
Lini një Përgjigje
Më të lexuarat
24 oret e fundit
Javen e fundit
Blog Tema
