Te fundit
Koncesioni i “check up-it” në SPAK: PD ngre 7 akuza për Beqajn, Manastirliun dhe të paktën 10 të tjerë
18 Shkurt 2020, 11:32Politika
TEMA
Partia Demokratike ka dorëzuar në Prokurorinë e Posaçme Antikorrupsion (SPAK) kallëzimin penal për koncesionin e “check up-it”.
Sipas Partisë Demokratike koncesioni i “Check Up” është një nga vendimet më korruptive të qeverisë së kryeministrit Edi Rama.
Duke iu referuar këtyre akuzave Partia Demokratike ka kallëzuar në SPAK të paktën dhjetë persona, mes të cilëve ish ministrin e Shëndetësisë, Ilir Beqaj, ministren aktuale të Shëndetësisë, Ogerta Manstirliu dhe aksioneren e kompanisë përfituese të check up-it, Vilma Nushi.
Sipas pretendimeve të Partisë Demokratike mbi të paditurit ngarkohen 7 akuza, që nga korrupsioni aktiv dhe pasiv, shpërdorimi i detyrës deri tek përfitimi i paligjshëm.
Më tej në njoftimin e PD lidhur me kallëzimin penal të bërë, thuhet se janë bazuar tek analiza me prova dhe fakte në dy faza, në procedurën e dhënies në koncesion dhe përzgjedhjes së fituesit, si dhe në periudhën e zbatimit të kontratës.
Në kallëzim evidentohet se Ministria e Shëndetësisë ka shkelur procedurat ligjore për shpalljen e fituesit dhe lidhjen e kontratës, si dhe ka shpallur fitues ofertuesin me çmimin më të lartë, duke sjellë dëm të lartë financiar për Buxhetin e Fondit të Sigurimit të Detyrueshëm Shëndetësor.
“Sipas provave të administraura rezulton se Ministria e Shëndetësisë, ka pasur ngut të pashpjegueshëm për të përfunduar, në mënyrën e parapërcaktuar, këtë procedurë koncesionare. Ajo ka prezumuar mungesën e ankimit nga operatorët e tjerë, fakt ky që provon se e gjithë procedura koncesionare ka qenë fiktive dhe fituesi ishte paracaktuar” – thuhet në kallëzimin e firmosur nga Sekretari i Përgjithshëm i PD Gazment Bardhi.
Në kallëzimin e dorëzuar prej Partisë Demokratike vihet në dukje se funksionarët publikë nuk kanë ushtruar kontrolle apo kanë lejuar vazhdimin e shkeljeve të kontratës, duke i sjellë dëm qytetarëve shqiptarë dhe financave të shtetit.
“Kjo nuk kryhet vetëm si pasojë e paaftësisë, por ka në bazë një interes financiar dhe ekonomik, që i detyron të mos kryejnë detyrën funskionale dhe duke lejuar shkeljet e jashtëzakonshme të kontratës”-thuhet në kallëzimin e Partisë Demokratike.
“Të gjitha shkeljet e kryera kanë sjellë dëm ekonomik për Buxhetin e Shtetit, dhe se është provuar shkelje e barazisë në tëndera, si dhe cënimin e interesit publik, duke pasur parasysh cilësinë e shërbimit dhe marrëdhënien financiare ndërmjet fituesit dhe Fondit të Sigurimeve Shëndetësore.” përfundon PD.
2 komente në “Koncesioni i “check up-it” në SPAK: PD ngre 7 akuza për Beqajn, Manastirliun dhe të paktën 10 të tjerë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Shumë mirë ka bērē pd. Ēshtē radha e spak të tregoj se ështē i pa varur .
Te gjith zyrtaret e Qeverise së jan implikuar ne afera korruptive,vetem Kryeministri jo!Politologet nuk e shpjegojn dot kete fenomen,
perse Edvin D’Rama bën zgjedhje te gabuar.I ngjitet llumi D’Rames,apo D’Rama llumit?Stdudimet vazhdojn intesivisht.
“Skandali Milot-Balldren/ KLSH: Tre shkeljet e Arben Ahmetajt me “rrugën e florinjtë”!
Kontrolli i Lartë i Shtetit, përmes një auditi të thelluar, ka konstatuar shkelje të rënda nga ana e Ministrisë së
Financave që drejtohej nga Arben Ahmetaj, lidhur me miratimin e projektit të koncesionit të rrugës Milot-Balldren,
kosto e së cilës kap shifrën e çmendur prej 256 milionë eurosh, ose 15 milionë euro për kilometër”.
Shqipëria, gjyqe për 1.3 mld euro/ Është paditur në gjyqe ndërkombëtare të arbitrazhit.
Kompanitë e huaja që kanë paditur Shqipërinë në gjykatat e arbitrazhit kërkojnë 1 miliardë e 356 milionë euro dëmshpërblim.
Kjo është hera e parë kur një dokument shtetëror zbulon biznesin gjigant të arbitrazhit, i cili rrezikon të trondis financat e shtetit
për shkak të pakujdesive apo korrupsionit të institucioneve, që e kanë ekspozuar vendin përballë pretendimeve stratosferike.