Rudina Hajdari paralajmëron: Dështuam në dy aspiratat e 20 shkurtit, ka ardhur koha për të çuar amanetin në vend

Deputetja Rudina Hajdari ka postuar një videomesazh ku thekson se 29 vite më vonë, edhe pse kemi bërë shumë progres, kemi dështuar në dy nga aspiratat e 20 shkurtit 1991.

Hajdari thekson se ka ardhur koha të shkëputemi nga e shkuara, jo vetëm me fjalë por me vepra.

Më tej ajo shkruan se sot i ka propozuar sot Kuvendit një projektligj, i cili detyron çdo kandidat të provojë se nuk ka qenë bashkëpunëtor i Sigurimit të Shtetit dhe nuk ka gisht në torturimin, internimin apo vrasjen e dhjetëra mijëra shqiptarëve gjatë diktaturës

“29 vite më parë të drejtuar e frymëzuar nga lëvizja studentore, qytetarët shqiptarë rrëzuan një nga regjimet më të egra diktatoriale në botë.

Kjo është një ditë e cila duhet të mbetet e lartësuar në memorien e gjithsecilit prej nesh, por edhe e gdhendur në historinë e popullit shqiptar.

Një ditë që na tregon fuqinë e bashkimit mbi përçarjen, forcën e popullit mbi diktatorët, forcën e ideve mbi dhunën e terrorin.

Fatkeqësisht, 29 vite më vonë, edhe pse kemi bërë shumë progres, kemi dështuar në dy nga aspiratat e 20 shkurtit 1991.

Kemi dështuar në ndërtimin e një demokracie funksionale duke vazhduar të operojmë me një mentalitet drejtues gati diktatorial, i cili pasqyrohet që nga mënyra se si drejtohen partitë politike me grusht të hekurt nga kryetarët e deri te format aspak demokratike të qeverisjeve.

Për këtë arsye unë kam luftuar, po luftoj dhe do luftoj pa kompromis për të demokratizuar vendin. Një nga mjetet për ta realizuar këtë është padyshim ndryshimi i sistemit zgjedhor, duke ia dhënë fuqinë që sot kanë kryetarët, qytetarëve.

Së dyti, kemi dështuar të bëjmë një bilanc të plotë të asaj që ndodhi gjatë diktaturës dhe të ndëshkojmë përgjegjësit.
Ende sot, ish drejtues apo bashkëpunëtorë të rrezikshëm të regjimit e sigurimit vazhdojnë të jenë pjesë e vendimarrjes, duke minuar demokracinë.

Jam krenare që sot i kam propozuar Kuvendit dhe Këshillit Politik një projektligj, i cili detyron çdo kandidat të provojë se nuk ka qenë bashkëpunëtor i sigurimit të shtetit dhe nuk ka gisht në torturimin, internimin apo vrasjen e dhjetëra mijëra shqiptarëve gjatë diktaturës, para se të konfirmohet si kandidaturë e zgjedhshme në çfarëdo posti publik.

Ka ardhur koha të shkëputemi nga e shkuara, jo vetëm me fjalë por me vepra. Ka ardhur koha për ta çuar amanetin e atyre që dhanë jetën për demokraci deri në fund.”

Mustafa Nano: Pse është tërbuar Ilir Meta. Basha nuk duhet të bëhet vegël e Metës

21:10 Politika

Kur dështoi “Rama ik”, si mund të triumfojë “Dvorani shkelës i Kushtetutës”?!

20:50 Politika

Ambasadori i Rusisë: Ofruam ndihmën tonë pas tërmetit, nuk morëm asnjë përgjigje nga Rama

18:35 Politika

Komentuesit 'masakrojnë' Metën në profilin e tij: Të ka hy tmerri, por shqiptarët s'kanë vdekur

18:36 Politika

Ambasadorja Kim flet për dhurimet e SHBA: Fokusi i Akademisë së Transparencës, qeverisja e përgjegjshme dhe reforma në gjyqësor

18:24 Politika

Ilir Meta: Unë jam shqiponjë, dhe do t'i gllabëroj sorrat. Shqipëria më 2 mars bëhet kuqezi, jo mavi

17:53 Politika

Ilir Meta intensifikon sulmin ndaj mazhorancës: Ja si po i rrëmben organizata mafioze e rilindjes anëtarët e Gjykatës Kushtetuese, do vendosim monitor të madh në mes të Brukselit

17:26 Politika

Meta i ndërsen Blushin gazetarëve: Nuk keni parë asgjë akoma. Po kaloni në overdozë Bablokun, ja kur do t'i publikojmë faktet tronditëse

16:20 Politika

Gjiknuri i pret shpresat opozitës: Zgjedhje të parakohshme nuk ka, PD s’ka pse të përfshihet në lojën e Metës

13:23 Politika

Berisha poston të njëjtin status për tre vjet rrjesht, thirrje për protesta: T'i rezervojmë bijeve bastard me në krye "Edvin Tradhëtarin" fatin e etërve primitiv të diktaturës

13:16 Politika