Masa të rrepta për koronavirusin, Rama: Mbyllen të gjitha shkollat deri më 23 mars, anulohen aktivitetet publike dhe pezullohen fluturimet drejt veriut të Italisë

Kryeministri Edi Rama ka njoftuar mbylljen e institucioneve arsimore në vend për shkak të koronavirusit.

Si pjesë e masave për përballimin dhe kufizimin e përhapjes së Covid-19, në mbledhjen e qeverisë këtë mëngjes, Rama gjithashtu tha se do të pezullohen të gjitha udhëtimet ajrore dhe detare me veriun e Italisë,

“Masat e sotme që ka ardhur momente, gjithnjë në ndjekje të protokollit të përcaktuar nga OBSH, janë pezullimi i fluturimeve dhe detare deri më datë 3 prill. Mbyllja e institucioneve arsimore për një periudhë dy javore, dhe pastaj vlerësimi në proces.

 Nga të gjitha statistikat e nxjerra deri më tani pjesa më pak e kërcënuar është e të rinjve, por nga ana tjetër duhet kuptuar se të rinjtë, fëmijët, të cilët për shkak të faktit që duhet të shkojnë në shkollë apo kopsht dhe mblidhen së bashku mund ta transmetojnë virusin tek të tjerët, edhe pse tek ata vetë virusi nuk shfaqet kërcënues në rrezikshmëri për jetën. 

Ne besojmë që është momenti të mbyllim të gjitha institucionet arsimore dhe të kërkojmë anulimin e të gjitha grumbullimeve masive, kulturore, sportive, dëgjesave publike, deri në datën 3 prill, për ta parë dinamikën e këtij zhvillimi dhe pastaj për të vendosur për më tutje”, tha Rama.

Rama: Masë administrative për ata që thyejnë rregullin për vetëkarantinimin. Mediat të vetëpërmbahen, duhet të jemi aleatë

Kryeministri Edi Rama bëri të ditur se çdo individ që vien nga zonat e kuqe, duhet të vetëkarantinohet, ndërsa shtoi se në rast se kjo do të shkelet do të shoqërohet edhe me masë administrative.

Më tej Rama pati edhe një thirrje për mediat të cilave u kërkoi të vetëpërmbahen dhe të kenë dhe dijen se në këtë situatë armiku më kërcënues nuk është koronavirusi por paniku që stimulohet nga lajme të rreme dhe ekzagjerime të paatorizuara dhe jo shkencore

“Duhet vetëkanrantimimi i personave që vijnë nga zonat e kuqe, Vetëkarantimi gjendet edhe në ligjin tonë aktual të Republikës së Shqipërisë. Shoqërohet me masë administrative për thyerjen e këtij rregulli. Çdo individ duhet të kuptojë se ka një rol në këtë përballje.

 Për të ruajtur veten dhe të tjerët duhet të vetëkarantinohet nëse vjen nga një zonë e kuqe. Pas rasteve të konfirmuara mjediset e përgatitur më parë për karantinë janë në dispozicion.

Dhomat e izolimit janë funksionale dhe është punuar për stokun e materialeve. Ata që kanë të afërm në spital duhet të kufizojnë vizitat dhe të lehtësojnë punën e personelit dhe punën tonë të përbashkët.

Dua të theksoj se spitalet dhe ekipet mjekësore janë përcaktuar dhe dihen nga ata që do të përfshihen në proces. Është një përgjegjësi e madhe për shëndetin e njerëze.

Mediat të vetëpërmbahen dhe të kenë dhe dijen se në këtë situatë armiku më kërcënues nuk është koronavirusi por paniku që stimulohet nga lajme të rreme dhe ekzagjerime të paatorizuara dhe jo shkencore. Nuk është e tepërt të thuhet se duhet të jemi aleatë”, tha Rama.

Rama: Të infektuarit erdhën me makinë personale, ruani qetësinë

Kryeministri Edi Rama deklaroi se 28 vjeçari dhe i ati i tij  të infektuar me korona virus erdhën me makinë personale nga Firence në Shqipëri përmes pikës kufitare të Hanit të Hotit.

“Personat e prekur me koronavirus erdhën me makinën e tyre personale, ërmes pikës kufitare të Hanit të Hotit.

Të gjithë jemi të ekspozuar ndaj riskut nuk ka këtu asnjë dallim shtrese, moshe e kështu me radhë, por të gjithë duhet të jemi të vetëdijshëm se ku ky virus prek më rrezikshëm, kush janë hallkat e dobëta, dhe si të gjithë së bashku të bëjmë të ruajmë njëri-tjetrin dhe të dalim edhe nga kjo situatë me vetëpërmbajtje dhe një angazhim ku secili bën punën e vet.

Janë disa këshilla shumë të thjeshta, që duhen ndjekur, që nga shmangia e kontakteve të afërta kur janë të evitueshme, tek dezinfektimi i duarve, larja e shpeshtë e duarve pas kontaktit, tek vetëkarantinimi në rast se vjen nga një zonë që është prekur, dhe tek vendosja e një filtri individual në raport me informacionin. Asnjë panik, asnjë ekzagjerim në emocione negative. Kujdes, qetësi, vetëpërmbajtje” – tha Rama. (TemA)

Përshkallëzohen masat për koronavirusin, Rama: Ja skenari ynë i parë dhe roli i strukturave përkatëse

09:10 Politika

Rastet me koronavirus në Shqipëri, Braçe: Vetëkarantinim për ata që vijnë nga Italia dhe higjienë, ruani qetësinë

08:33 Politika

Berisha në alarm, thirrje për rebelim kundër Ramës: Diktaturat nuk largohen me votë, ato përmbysen

22:10 Politika

Meta dëshiron mbledhjen e Këshillit të Sigurisë për sirianët, thirrja përmes ish- ministrit të LSI: Cilat janë arsyet e transfertës masive të refugjatëve?

20:35 Politika

LETRA E PLOTE/ Haklajt kërkesë zyrtare SPAK-ut: Hetim për veprimtarinë kriminale të Berishës dhe ndikimi i tij në vrasjet e Tropojës, ja provat e pakundërshtueshme që duhen marrë në konsideratë

08:50 Politika

Basha takime me qytetarët, fiton një votë: Socialisti premton se do votojë për PD-në

18:42 Politika

Zbardhet borderoja e Kuvendit me emrat dhe pagat: Ja sa merr në muaj secili deputet

18:01 Politika

Për koronavirusin në Shqipëri duhet dëgjuar Jurgen Klop

17:27 Politika

Sondazhi: Rama 235 mijë vota më shumë se Basha! LSI në pikiatë; Aleatët e PD ‘tkurren’…

16:56 Politika

Ilir Meta: Jam shumë i shqetësuar për koronavirusin, urgjentisht të merren masat

16:11 Politika