Mjekët dhe infermierët e spitalit të Beratit vetëkarantinohen: I gënjeu pacientja e kthyer nga Italia

Stafi mjekësor i Spitalit Rajonal Berat është vetëkarantinuar mesditën e sotme. Lajmi është bërë i ditur nga Drejtoresha e Spitalit Rajonal Berat, Edlira Shkëmbi.

Një mjeke nga lagjja “Kala”, një infermier dhe shoferi i ambulancës, kanë shkuar rreth orës 09:30 të mëngjesit të sotëm në një banesë në lagjen “Çlirim”, ku janë njoftuar për një paciente astmatike në gjendje të rëndë.

Pasi kanë shkuar në banesën e 50-vjeçares, stafi mjekësor ka konstatuar se pacientja ishte e qetë, nuk kishte shenja klinike të krizës astmatike, nuk kishte temperaturë dhe shenjat vitale ishin normale. Pacientja i ka referuar stafit mjekësor të Spitalit Rajonal Berat se kishte prej disa ditësh kollë dhe dhimbje fyti, por i ka gënjyer ata për ardhjen e saj nga Italia 1javë më parë.

Kur stafi mjekësor e ka pyetur nëse ka udhëtuar jashtë shtetit së afërmi ose nëse ka pasur kontakte me persona që kanë jetuar në Itali, pacientja u është përgjigjur “Jo”.

Por pasi kanë dalë jashtë banesës, stafit mjekësor i është referuar nga fqinjët se gruaja kishte ardhur nga Italia një javë më parë; fakt që është konfirmuar edhe nga pacientja pas rikthimit të menjëhershëm të stafit sërish në banesë.

Në këto kushte, është njoftuar menjëherë 127 dhe epidemiologu për marrjen e mostrës së pacientes. Njëkohësisht janë marrë edhe mostrat e stafit mjekësor të Spitalit Rajonal Berat, që ishin në kontakt me pacienten, të cilët janë vetëizoluar deri në ardhjen e përgjigjes së analizave të tamponëve.

Fëmijët gjatë karantinës: Ja disa këshilla praktike për ti përgatitur ata emocionalisht

19:45 Shëndeti

8 aktivitete që ju vijnë në ndihmë: Ja si ta bëjmë ‘izolimin’ në shtëpi sa më argëtues

17:10 Shëndeti

Mjeku italian mesazh shqiptarëve: Ndiqni këto këshilla për të luftuar koronavirusin

15:54 Shëndeti

"Rasti i Australisë dhe Singaporit", flasin shkencëtarët: Ja sa ndihmon moti i ngrohtë në luftimin e koronavirusit

15:58 Shëndeti

Mjekët e Spitalit Infektiv video-konferencë: 8 pacientë me koronavirus janë mirë, një po trajtohet. Kini besim të plotë te ne

13:38 Shëndeti

Si vepron koronavirusi pasi hyn në trupin e njeriut: Hap pas hapi deri në nxjerrjen e mushkërive jashtë funksionit

12:43 Shëndeti

Faktet dhe mitet mbi koronavirusin: A do ta ulë numrin e infeksioneve ardhja e motit të ngrohtë?

20:48 Shëndeti

Paniku për koronavirusin, farmacistët: Shqiptarët dyndje për furnizim me ilaçe

18:31 Shëndeti

"Shtet-rrethimi", Ogerta Manastirliu: Stafet mjekësore dhe pacientët me terapi mjekimi përjashtohen nga ndalimi i qarkullimit

18:19 Shëndeti

Ndërron jetë 72 vjeçarja nga Kurbini: I bëhet analiza e koronavirusit

15:18 Shëndeti