"Nga Tirana në Fier": Shkon në 33 numri i të prekurve me koronavirus në Shqipëri

Numri i të prekuarve nga Koronavirusi në vendin tonë ka arritur në 33 persona. Zv/Ministrja e Shëndetësisë Mira Rakacolli dhe drejtuesja e Departamentit të Sëmundjeve Infektive në ISHP Silva Bino kanë dhënë përditësimin e fundit në lidhje me situatën e përhapjes së Coronavirusit në Shqipëri

Njoftimi i ministrisë së Shëndetësisë:

Në 24 orët e fundit nga ana e Institutit të Shëndetit Publik në bashkëpunim me epidemiologët e Njësive Vendore të Kujdesit Shëndetësor, ka vazhduar pa u ndalur puna në terren, për gjurmimin e kontakteve të rasteve të konfirmuara tashmë me Covid-19, për të cilët ju kemi informuar në daljet e mëparshme.

Në 24 orët e fundit janë realizuar edhe 159 testime të reja dhe kjo e çon numrin total të testimeve të kryera në 457.
Deri në këto momente janë konfirmuar pozitivë me COVID-19, 33 raste, nga të cilat:
8 prej të cilëve janë të shtruar në spitalin Infektiv (nga Tirana, Durrësi, Fieri dhe Rrogozhina)
25 raste janë të vetëizoluar në gjendje të mirë shëndetësore në shtëpi.

Nga rastet e konfirmuara pozitivë:
Tiranë 19 raste
Durrës 5 raste (njëri prej të cilëve ka ndërruar jetë)
Lushnje 1 rast
Elbasan 2 raste
Fier 4 raste
Rrogozhinë 2 raste

Siç ju kemi bërë të ditur në daljet e mëparshme, pas testimit të kampionit të parë të 50 mjekëve dhe infermierëve në spitalin e Durrësit të cilët rezultuan negativë, ISHP ka vazhduar me gjurmimin e kontakteve, marrjen dhe testimin e mostrave të reja të stafit mjekësor në Spitalin Rajonal Durrës.

Në bazë të rezultateve që tashmë kanë dalë, nga kampioni i dytë i mostrave të marra, 39 mostra të mjekëve, infermierëve dhe pacientëve, vetëm 1 mjek rezulton pozitiv, i cili nuk ka simptoma, aktualisht është i vetëizoluar dhe po hulumtohet më tej. Gjithsej janë kryer 89 testime në spitalin e Durrësit.

Nga numri total i të prekurve nga COVID-19 janë 25 persona të vetëizoluar në gjendje të mirë shëndetësore dhe 177 të vetëkarantinuar. 

Dua tju bëj thirrje edhe një herë të gjithë qytetarëve, të respektojnë rregullat e reja dhe të qëndrojnë në shtëpi. Të kufizojmë rrezikun sa më shumë të jetë e mundur!

Shefja e Departamentit të Epidemiologjisë dhe Kontrollit të Sëmundjeve Infektive në Institutin e Shëndetit Publik, Silva Bino tha se tashmë që OBSH ka shpallur pandeminë na koronaviriusi masat që janë marrë duhet të merren seriozisht.

“OBSH ka shpallur pandeminë nga koronavirusi i ri që do të thotë se bota ka transmetim komunitar në më shumë se 2 kontinente. Kjo është një situatë që duhet vlerësuar me seriozitet dhe masat që janë marrë për distancimin social duhet të merren me seriozitet. Ne do të vazhdojmë me gjurmimin e rasteve në terren dhe nuk është e nevojshme që çdo person të testohet”, tha Bino. (TemA)

Si të flasim me fëmijët për koronavirusin

09:30 Sociale

Koronavirusi, apeli i mjekes: Do t’ia dalim, kemi profesionistë të shkëlqyer që kanë sakrifikuar në shumë epidemi

08:59 Sociale

Vendi në shtet-rrethim, mjeku tërheq vëmendjen: Kujdes, qytetarët po bëjnë të njëjtin gabim të rëndë si Italia

08:25 Sociale

FOTOT: Tirana në "Shtet-rrethim"

08:34 Sociale

‘Nervozohet’ drejtoresha e ISHP: Për çfarë i mbani maskat kur rruga është bosh, kur jeni vetëm në makinë apo i varni në qafë?!

23:40 Sociale

Mesazhi prekës i mjekëve dhe infermierëve të Infektivit: Bashkë do dalim shëndoshë e mirë nga ky mision

23:11 Sociale

VIDEO/ ”Respekt punës së palodhur të ushtarëve, policëse dhe bluzave të bardha”, Xhaçka: Falenderoj çdo qytetar që bashkëpunon

22:54 Sociale

Fatos Lubonja në karantinë: Respektoj vendimin e qeverisë, nuk do dal nga shtëpia pa kaluar 14 ditë. Duhen masa të rrepta

22:42 Sociale

Koronavirusi, flet drejtori i Urgjencës Kombëtare: Qoftë nga telefonatat, por edhe numri i të infektuarve besoj se piku do arrihet këto dy-tre ditë

21:25 Sociale

"Jemi të frikësuar"! Apeli i Igli Tares për shqiptarët: Qëndroni në shtëpi!

21:19 Sociale