Koronavirusi nuk ka gjasa të “ikë” me ardhjen e verës, edhe pse kjo moti i ngrohtë ka qenë deri më tani shpresa më e madhe e studiuesve për sprapsjen e pandemisë.

Një panel shkencor prestigjioz ka paralajmëruar sot Shtëpisë së Bardhë se koronavirusi nuk do të dobësohet pasi të ngrihen temperaturat, edhe pse presidenti Donald Trump kishte shpresuar se epidemia do të zbehej me ardhjen e verës.

Në letrën e tyre drejtuar Shtëpisë së Bardhë, anëtarët e Akademisë Amerikane të Shkencave thanë se të dhënat janë kontradiktore dhe se koronavirusi përhapet po aq lehtë në mot të nxehtë sa në mot të ftohtë.

“Ekzistojnë disa studime që sugjerojnë se koronavirusi mund të transmetohet më pak efikasitet në mjedise me temperaturë të larta dhe lagështi; megjithatë, duke pasur parasysh mungesën e imunitetit në shkallë globale, as temperaturat e larta dhe as ato të ulëta nuk kanë asnjë ndikim tek përhapja e sëmundjes”, shkruajnë ata në një letër drejtuar Administratës Trump.

Ata paralajmërojnë se një studim i shpërthimit të epidemisë në Kinë tregon se edhe në kushte maksimale të temperaturës dhe lagështisë, virusi përhapet “në mënyrë eksponenciale”, nga një person i infektuar, tek një tjetër.

Dr Uilliam Schaffner, një specialist i sëmundjes infektive në Qendrën Mjekësore Universitare Vanderbilt, i cili nuk është anëtar i akademisë, tha, “edhe pse mund të shpresojmë se moti i ngrohtë do të japë një kontribut në frenimin e pandemisë, ne nuk mund të mbështetemi tek kjo mundësi.”

“Ne duhet të vazhdojmë të përdorim distancimin shoqëror dhe masa të tjera për të zvogëluar përhapjen e epidemisë”, deklaron ai për “CNN”.

Presidenti Trump ka deklaruar vazhdimisht se shpreson se koronavirusi do të sprapset nga moti i ngrohtë. “Them se deri në prill, kur të bëhet pak më ngrohtë, virusi do të largohet,” tha ai tre javë më parë.

Letra a Akademisë Amerikane të Shëndetësisë në dukje se disa studime laboratorike kanë treguar zvogëlimin e përhapjes së virusit në kushte më të ngrohta dhe më të lagështa, por thotë se kjo teori nuk është vërtetuar. Ata sjellin shembullin e studiuesit amerikan Chad Roy i cili e vrojtoi virusin në temperatura të nxehta dhe të lagështa në laborator, dhe e studioi atë për 16 orë.

Roy raportoi se “çuditërisht” koronavirusi i ri jetonte më gjatë se gripi, tuberkulozi dhe SARS. Shkencëtarët amerikanë kanë paralajmëruar Shtëpinë e Bardhë thekson se në botën e vërtetë, virusi ende po përhapet në vendet me mot të nxehtë.

“Duke pasur parasysh që vendet e nxehta të tilla si Australia dhe Irani, po përjetojnë përhapje të shpejtë të virusit, nuk mund të shpresojmë se temperaturat e larta do të na shpëtojnë nga epidemia”, thonë ata në letër.

Letra gjithashtu vë në dukje se ndërsa gripi normal është sezonal, por kjo nuk do të thotë se edhe Covid-19 do të ikë me ardhjen e sezoneve të reja. “Disa lloje gripi kanë shpërthyer në mot të ngrohtë dhe të ftohtë, dhe më pas ka pasur një valë të dytë shpërthimi rreth gjashtë muaj më vonë”, thotë letra e studiuesve.

Dr Paul Offit, një specialist i sëmundjeve infektive, vuri në dukje se koronaviruset e zakonshme janë sezonale, por se ky koronavirus i ri është i ndryshëm sepse ka origjinën te kafshët dhe jo nga njerëzit.

“Është e paqartë se si do të veprojë ky virus kur të ngrihet koha,” tha Offit.

1 komente në “ANALIZA: “Covid-19 nuk do të ikë me verën””

bossi1 says:

9 Prill, 2020 15:49 te 3:49 pm

Korona virus nuk ka ardhur nga kafshet por nga laboratori i Wuhanit, prandaj nuk pyet ky virus nese eshte vape apo ftohte. E ka bere nje shkencetare kineze , nje grua shtrige qe bashkoi corona virusin me virusin e SARS-it, te Eboles dhe AIDS. I vuri te gjitha bashke dhe i beri compatible me ADN e njeriut dhe le ta mbajme tani. PAsi te kene vdekur 100 milione njerez , ath do mbaroje Kjo lufte biologjike.
Prisni edhe ca se ka akoma. PAsi ne Amerike te kene vdekur 1 milione njerez, Amerika do i kerkoje demshperblim Kines sepse kane dale fakte qe virusi ka dale nga laboriatori i WUhanit. Kete gje do ta kerkoje edhe Italia , Anglia dhe te gjitha shtetet, dhe Kina nuk do pranoje.
Do mblidhet OKB dhe do ta denoje Kinen me rezolute ne vitin 2021 dhe do ti kerkoje Kines 6 Trilione Dollare demshperblim per jetet e humbura.
Nje gjyq nderkombetar do ta denoje Kinen dhe te gjitha shtetet do bashkohen kunder Kines.
Ne vitin 2022 do filloje lufta e trete boterore ku te gjitha shtetet do bashkohen kunder Kines.
Lufta do zgjase 10 vjet ….. ne fund do fitoje demokracia Amerkane, dhe kina do ndahet ne 10 shtete te vogal qe do manaxhohen nga 10 shtetet fituese. Bota do jete me demokratike por do vdesin 100 milione njerez derisa te arrijme deri aty.
Kjo do hyje ne histori si lufta e 3 boterore.

Përgjigjjuni