Te fundit
Ish ministri i LSI: Koha për të dalë, nuk e kuptoj qëndrimin e opozitës për mbylljen e fasonëve. Duhet të kryejë funksionin e saj
4 Maj 2020, 15:31Politika
TEMA
“Koha është për të dalë…”. Kështu e fillon ish-ministri Ylli Manjani komentin e tij në rrjete sociale, ndërsa thekson se sipas tij nuk vjen asgjë e mirë nga qëndrimi në shtëpi.
Më tej ai kundërshton reagimet e opozitës për të mbyllur fasoneritë dhe për të qëndruar në shtëpi.
Postimi i plote i Manjanit:
Koha është për të dalë…
Me thënë të drejtën nuk i kuptoj dot më as reagimet opozitare.
Ata sugjerojnë,çuditërisht, të mbyllen fasonët dhe të rrinë njerëzit ende mbyllur megjithse ka kaluar 2 muaj mbyllje..!?
Më falni po, asnjëra e as tjetra nuk janë më zgjidhje.
Të mbyllim fasonët dmth të mbyllim ekonominë. Call centers na lanë shëndenë me kohë…
Detin, shërbimet e transportin i mban mbyllur ende qeveria, do të thotë të mbyllim turizmin dhe shërbimet private. Pjesë tjetër me rëndësi ekonomike.
Kufinjtë na i ka mbyllur Europa.
Ndaj të rrimë në shpi e të hamë veten me dhëmbë, nuk është zgjidhje!
Shumë ndjesë, por vendi duhet të lirohet një orë e më parë. Nuk vjen asgjë duke ndenjur në shtëpi!
Asgjë, po asgjë fare!
Vetëm fukarallëk e maskarallëk vjen.
Ndaj vendi duhet të hapet pa limit orar. Dakort me kujdesin sanitar, por njerëzit duhet të lëvizin.
Uji që s’lëviz nuk pihet, por qelbet!
Ç’qe për tu bërë u bë. Që nga janari e deri sot në Maj virusi bëri qejf si desh. Mjeksia nuk i bëri dot gjë.
Kush e kaloi, tja dijë për nder sistemit të vet imunitar. Të tjerët u paçin lënë uratën të dashurve të tyre.
As tubat e spitalit(prej të cilave nuk shpëtoi askush) e as masat shpikëse me orar lëvizje, nuk bënë fajde. Ndëshkuan njerëzit, por nuk ndaluan dot virusin.
Natyrisht ndihmuan spitalet që të mos mbingarkoheshin, a thua se ky ishte halli të ruajmë spitalet.
Këto të fundit janë shpikur për të ruajtur njerëzit, por nejse iku tani kjo punë. Mirë thonë “mos u bëfsh për to”!
Statistikisht, sido që ti lexosh shifrat nuk ka më kuptim ndenja mbyllur. As lëvizja me leje e as me orar.
Ja kaq e lexueshme është kjo e vërtetë!
Ndaj një orë e më parë duhet hapur jeta, pa orar!
Qeveria të dalë në zyrë e të fillojë llogaridhënien. Se me qeverisjen i kish larë duart shumë para virusit.
Gjykatat të fillojnë gjyqet, në mos për drejtësi të paktën për të tregusr se diku mund të trokitet në këto kohë, ku shteti të bie në qafë kot fare.
Opozita duhet të dalë në opozitë, për të cilën më shumë se kurrë vendi ka nevojë.
Njerëzit në punë ku të kenë mundësi.
Të gjithë me maska,me distancë, por duhet të lëvizin.
Konspiracionet nuk na takojnë ne se as i bëjm e as i luftojmë dot.
Kur të dalë vaksina nuk do kemi më distancë, por nuk do të thotë se duhet të vdesim në distancë!
4 komente në “Ish ministri i LSI: Koha për të dalë, nuk e kuptoj qëndrimin e opozitës për mbylljen e fasonëve. Duhet të kryejë funksionin e saj”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Totalisht idiot! Po “ruajtja e spitalit” nuk eshte ruajtja e mureve te tij dhe as e ekipit mjeksor nga lodhja (te cilen nuk po e llogarisim), por eshte ruajtja e shtreterve rezerve ne terapi intensive dhe ruajtja e respiratoreve. Sepse nese keto te dyja mbushen, per te semuret e tjere mbetet vec tu thuash, ju te tjeret ngrohuni ne diell ose me sakte ju shkoni vdisni ne shtepi se spitali nuk ju ndihmon dot me.
Ne Shqiperi ndodh qe sipas rastit, te gjithe jemi ne gjendje te behemi mjeke, inxhiniere, sizmologe, juriste, pa folur per trainer futbolli…Por ndersa bejme te gjitha keto, nuk bejme ate qe ndoshta dime te bejme. Tani jurist Ylli flet per strategjine hapjes pas pandemise. Hapu dhe te futem…
Filozofi Yll duhet dëgjuar me kujdes kësaj rradhe
Ky ylli partizan me 5 cepa,doli djalë i zgjuar,ky po ja kalon për mënd dhe doktor vdekjes,mos vallë është pjellë e tij,mos u çiditni edhe bën vaki.
doktori therret dilni e konfliktouni me policinë,illi thotë kot janë masat ,dilni ,më shumë ka rëndësi ekonomia se jeta e njerzve,çu bë u bë,prandaj yxhym
përpara.Illi kërkon të thyej rekordin e doktorit me 5000 jetë të marra.