Nis investimi më i madh në 30 vjet në Njësinë 2, Veliaj: Investojmë në çdo lagje të Tiranës, njësoj si me Piramidën dhe Teatrin e Ri

Pas largimit të kioskave dhe tezgave nga tregu elektrik, të cilat u sistemuan në një hapësirë më të përshtatshme, Bashkia e Tiranës nisi investimin më të madh në këto 30 vite në Njësinë 2. Dikur një nga zonat më të degraduara, shumë shpejt blloku që kufizohet nga Blv. “Bajram Curri” – Blv. “Petro N. Luarasi” – Rr. “Taulantia” – Rr. “Ali Demi” do të transformohet tërësisht, ku krahas asfaltit dhe punimeve nëntokësore, do të ketë edhe një zonë pedonale, kënd lojërash, fusha sportive dhe hapësira të tjera çlodhëse.

Kryebashkiaku Erion Veliaj siguroi se do të punohet edhe gjatë verës, për të kapur afatet. “Ky është investimi më i madh në Njësisë 2; jemi te blloku “Taulantia”, një zonë e ngelur si ato zonat mes dy kufijve, njësisë 1 dhe 2. Më vjen mirë që kjo zonë po pëson një transformim të jashtëzakonshëm. Do të punojmë gjatë gjithë verës për t’u siguruar që, teksa qytetarët i kthehen jetës normale dhe vazhdojnë me pushimet, në terren punohet pa pushim për të shfrytëzuar edhe kohën pa shumë trafik”, tha ai.

Veliaj shtoi se kishte ardhur koha që pas 30 vitesh tregu elektrik të mos vazhdonte më nëpër kontenierë e kioska, duke zënë hapësirat publike, por të sistemohej në mënyrë të denjë. “Nisin si shtojca të përkohshme dhe pastaj hedhin rrënjë. 30 vjet është një kohë shumë e gjatë për të qenë një situatë e përkohshme dhe kishte ardhur koha që tregu elektrik të mos vazhdonte më nëpër kontenierë, nëpër kioska, duke zaptuar hapësirat publike, por të sistemohej ashtu siç është sistemuar në dyqane, për ta liruar këtë territor fantastik në një hapësirë për komunitetin”, tha ai.

Sipas tij, bashkia do të vijojë me investimet në mënyrë kapilare në të gjitha lagjet. “E kuptoj vitin ’91-’92, kur sapo kishte filluar kapitalizmi, ishte i nevojshëm qarkullimi i të mirave materiale dhe financave, por vjen një ditë kur duhet t’i hapim rrugë zhvillimit. Ishim mësuar me treg në rrugë për pajisjet elektrike, me treg në rrugë për rrobat te komuniteti rom, i cili sapo u zhvendos te ish Fabrika e Miellit, me një teatër skandaloz, me fusha skandaloze, me lodra të shkatërruara, por vjen një çast kur dora e modernizimit duhet të kapë çdo hapësirë të qytetit. Siç po fillojmë me rregullimin e Piramidës dhe Teatrin e ri, ashtu do të vazhdojmë në mënyrë kapilare me lagjet”, tha Veliaj.

Ai siguroi qytetarët e Tiranës se për sa kohë që kjo bashki është e fokusuar te modernizimi i qytetit, zhvillimi do të prekë çdo cep të sajin. “Siç nuk do lëmë mënjanë edhe veprat apo simbolet në qendër, si Teatri i ri, Piramida apo Parku “Rinia”, i cili hapet në 1 qershor – dua të ftoj të gjithë fëmijët dhe familjet e Tiranës të jenë pjesë e këtij aktiviteti – kështu do të vazhdojmë cep më cep”, tha Veliaj.

Kryebashkiaku kërkoi bashkëpunimin e qytetarëve për të liruar hapësirat publike të zaptuara, ndërsa theksoi gatishmërinë e Bashkisë së Tiranës për të sistemuar përmes programeve të ndryshme të strehimit, të gjithë ata që preken nga këto projekte. “I kërkoj qytetarëve bashkëpunim! Do bëjmë maksimumin për të akomoduar sa të mundemi nevojat e komunitetit, ama aty ku dikush është në mes të rrugës, do të duhet të hapë rrugë. Kemi mundësi që me bonuset e qirasë të ndihmojmë të gjithë ata që preken, por duhet ta pranojmë, herët a vonë, nëse ke ndërtuar në pronë publike dhe ke bllokuar rrugën për mijëra qytetarë, do të duhet që t’i hapësh rrugë vendit”, nënvizoi ai.

Ky bllok ka një sipërfaqe rreth 13 ha, në të cilën mbizotërojnë banesa rezidenciale 1-3 katëshe dhe pallate 4-5 katëshe. Projekti parashikon ndërhyrje në rrjetin rrugor në brendësi të bllokut i cili paraqitet tepër i amortizuar. Gjithashtu pjese e projektit do jetë trajtimi i hapësirave publike si dhe ndërtimi i parkingjeve në brendësi të bllokut. Ndërkaq, zona e Tregut Elektrik është trajtuar si një zonë pedonale dhe me gjelbërim.

Në Shqipëri nuk dihet as çfarë tip virusi po qarkullon e as si mund të vijojë situata

11:52 Sociale

Mutacionet nuk rrisin aftësinë e Covid-19 për t’u përhapur më shumë

11:45 Sociale

25 raste me koronavirus në 24 orë, shkon në 1029 numri i të prekurve. Ndërron jetë nga Covid-19 një 69-vjeçar nga Tirana

11:16 Sociale

Agron Llakaj revoltohet me Top Channel: A keni fëmijë, a keni familje, turp t’ju vijë për këtë emision të degjeneruar e kriminal

10:42 Sociale

"Jam i lodhur, s'kam atë energjinë që kam pasur", rrëfimi i 74-vjeçarit që u shërua nga Covid-19: Isha rëndë, te Infektivi qëndrova 16 ditë

09:27 Sociale

REPORTAZHI: “Të burgosur” në shtëpi; përshtatja me izolimin gjatë COVID-19

09:17 Sociale

Masat ndaj virusit, Bino: Më mirë të sakrifikojmë qejfin se punën. Vendimet i merr qeveria edhe në botë

09:07 Sociale

Administrata do punojë nga shtëpia, ja rregullorja që do zbatohet

08:49 Sociale

Cilat janë simptomat që dallojnë alergjitë e pranverës nga Covid-19

21:48 Sociale

Pështjellimi nga paralajmërimi i Ramës “fundjavë pa makina”, deputetja socialiste: Durim deri në sqarim

20:34 Sociale