Ulje testimesh në SHBA? Fauci: Nuk kemi pasur udhëzim, madje do të bëjmë më shumë

Eksperti i sëmundjeve infektive në Shtetet e Bashkuara, Dr. Anthony Fauci tha të martën se ai dhe anëtarët e tjerë të Grupit të Punës të Shtëpisë së Bardhë për koronavirusin nuk janë udhëzuar të ngadalësojnë testimet për Covid-19, siç ka thënë Presidenti Donald Trump se ai e ka bërë këtë

Edhe shefi i Administratës së Ushqimit dhe Ilaçeve, Dr Stephen Hahn dhe kreu i Shërbimit Shëndetësor Publik të Shteteve të Bashkuara, Admiral Brett Giroir, dëshmuan në seancën e së martës në Kongres.

Dr. Fauci është në mesin e ekspertëve shëndetësorë që thotë se njerëzit nuk duhet të përqendrohen në valën e dytë të koronavirusit në Shtetet e Bashkuara, sepse vendi ende nuk ka dalë nga vala e tij e parë.

Është një situatë serioze, u tha Dr. Fauci ligjvënësve. “Për momentin, dy javët e ardhshme do të jenë kritike në aftësinë tonë për të trajtuar rritjen e rasteve që ne po shohim në Florida, Teksas, Arizona dhe në shtetet e tjera.”

Shumë shtete janë në proces të heqjes së kufizimeve për koronavirusin, pavarësisht rritjes së infeksionit në rreth gjysmën e 50 shteteve amerikane.

Guvernatori i Teksasit, Greg Abbott tha të hënën se rikthimi i kufizimeve do të ishte zgjidhja e fundit, ndërsa tha se virusi po përhapet me një “normë të papranueshme” dhe nuk pranoi të vendosë një urdhër për ta bërë të detyrueshëm përdorimin e maskave në publik. Teksasi ka thyer rekordin ditor të numrit të infeksione të reja për gati dy javë ndërsa po rritet edhe numri i të infektuarve të shtruar në spitale.

Shteti fqinj i Luizianës ka shënuar mbi 3,000 vdekje nga Covid-19, dhe me rritjen e numrit të rasteve, Guvernatori John Bel Edwards tha se ai do të mbante në fuqi kufizimet aktuale që pritej të skadonin të premten.

Shkalla e shtrimit të të infektuarve në spitale është rritur edhe në Xhorxhia, ndërsa numri i rasteve të konfirmuara me koronavirus po rritet në dhjetëra shtete të tjera./VOA

Gjykata urdhëron presidentin brazilian: Vër maskë në publik, ndryshe do gjobitesh

20:45 Bota

Vijon të ulet bilanci i viktimave në Itali, shënohet numri më i ulët prej 2 marsit

19:45 Bota

Tërmeti me magnitudë 7.7 shkund Meksikën

18:09 Bota

COVID-19 “shkatërron” treguan e makinave në BE, bien me 25 % shitjet

17:24 Bota

NBA do të përdorë unazë smart për të luftuar... Covid-19

17:12 Bota

Studimi: Ky është ndikimi që rrezet e diellit kanë mbi koronavirusin

16:56 Bota

Përpjekje për të rrëzuar statujën e Presidentit Andrew Jackson pranë Shtëpisë së Bardhë, ndërhyjnë forcat e policisë

16:28 Bota

ANALIZA: Kush e udhëheq sot botën?

16:10 Bota

ANALIZA: Si po harrohen njerëzit me ngjyrë të Afrikës

15:41 Bota

Çmimi i naftës ulet pas tensioneve SHBA-Kinë dhe rrezikut të valës së dytë COVID-19

15:37 Bota