Te fundit
OBSH: Vala e dytë e Covid mund të shkaktojë miliona viktima, si "Gripi Spanjoll" 100 vjet më parë. Edhe ai u dobësua në verë
27 Qershor 2020, 09:15Bota
TEMA
Miliona njerëz në të gjithë botën mund të vdesin nëse ka një valë të dytë të infeksioneve me koronavirus, paralajmëroi Organizata Botërore e Shëndetit.
Dr. Ranieri Guerra, një asistent drejtor i përgjithshëm për iniciativat strategjike në OBSH, tha se pandemia ishte përhapur deri tani siç kishin parashikuar zyrtarët e saj, shkruan Daily Mail.
Duke krahasuar Covid-19 me shpërthimin e Gripit Spanjoll më shumë se 100 vjet më parë, Guerra tha se pandemia e vjetër ‘rifilloi ashpër’ në shtator dhe tetor, kur temperaturat ishin më të ulëta.
Ai i tha Rai TV në Itali:
“Krahasimi është me gripin spanjoll, i cili u soll ashtu si Covid: ai u dobesua në verë dhe rifilloi ashpër në shtator dhe tetor, duke krijuar 50 milion vdekje gjatë valës së dytë.”
Paralajmërimit iu bë jehonë nga shefja e Bankës Qendrore Evropiane, Christine Lagarde, e cila tha të Premten se “sigurisht mund të ketë një valë të dytë të rëndë nëse nuk mësojmë ndonjë gjë nga Gripi Spanjoll i 1918-19”.
Përhapja e gripit spanjoll shkatërroi shumë vende në botë, përfshirë Britaninë, ku kishte më shumë se 220,000 vdekje dhe SHBA, ku vdiqën 675,000 njerëz.
Lini një Përgjigje
Më të lexuarat
24 oret e fundit
Javen e fundit
Blog Tema
