Te fundit
Vizitë në Rusi, Macron dialog me Putinin për sigurinë dhe klimën
28 Qershor 2020, 14:26Bota
TEMA
Presidenti i Francës, Emmanuel Macron planifikon të vizitojë Rusinë së shpejti për të vazhduar bisedimet me presidentin rus, Vladimir Putin, rreth sigurisë dhe ndryshimeve klimatike.
Shefi i Elizesë e ka inkurajuar Europën dhe NATO-n të rishikojnë partneritetin strategjik me Moskën. Të dy presidentët kishin biseduar përmes një video-konference një ditë më parë.
“Dialogu i ndërtimit të besimit i iniciuar së bashku me presidentin Putin, vazhdon”, tha Macron në Twitter.
Marrëdhëniet në mes Moskës dhe Perëndimit janë dobësuar shumë që nga aneksimi i Krimesë nga Rusia dhe roli i saj në konfliktin me Sirinë dhe ndërhyrja në zgjedhjet e Shteteve të Bashkuara. Macron ka shprehur edhe nevojën e fundit të konfliktit në Ukrainë ku luftimet mes forcave qeveritare ukrainase dhe separatistëve pro-rusë lanë të vdekur 13,200 persona që nga prilli i vitit 2014.
Tre vjet më parë, u shfaqën disa pretendime sipas të cilave Kremlini ishte përpjekur të influenconte rezultatin e zgjedhjeve presidenciale në Francë dhe kreu i lëvizjes “ En Marche” të Macronit, Richard Ferrand, pat paralajmëruar publikisht mbi “ndërhyrjet e një shteti të huaj” duke hequr paralele mes shënjestrimit të Macronit dhe ish kandidates presidenciale në SHBA, Hillary Clinton.
Lini një Përgjigje
Më të lexuarat
24 oret e fundit
Javen e fundit
Blog Tema
