Donald Trump: “Fashizmi po sulmon” vlerat dhe historinë amerikane

Presidenti amerikan, Donald Trump tha se Shtetet e Bashkuara janë nën sulm nga një “fashizëm i ri i majtë” që ka një sjellje “totalitare” ndaj vlerave dhe historisë amerikane.

Në fjalimin e mbajtur më 3 korrik, në Malin Rushmore vetëm një ditë para Ditës së Pavarësisë, Trump u tha mbështetësve të tij se monumenti që ka të gdhendur figurat e katër presidentëve kurrë “nuk do të shkatërrohet”.

Në fjalimin e tij, Trump dënoi shkatërrimin e statujave nga “turmat e zemëruara” dhe “valës së dhunës” të parë në disa qytete.

Këto komente vijnë pas më shumë se një muaji protesta kundër racizmit dhe pabarazisë, që u nxitën pas vrasjes së afrikano-amerikanit, George Floyd nga policia në Mineapolis.

Disa protesta kanë qenë të dhunshme dhe protestuesit kanë shkaktuar dëme materiale, teksa disa aktivistë kanë dëmtuar edhe monumentet të Konfederatës dhe statujat të figurave të Luftës Civile Amerikane. Disa aktivistë kanë bërë thirrje për heqjen e të gjitha simboleve të racizmit, përfshirë edhe statujat e disa prej themeluesve të shtetit amerikan, të cilët kanë pasur skllevër.

Trump paralajmëroi se “revolucioni kulturor i krahut të majtë është i dizajnuar që të rrëzojë Revolucionin Amerikan”, duke indoktrinuar fëmijët dhe duke fshirë vlerat dhe historinë e vendit.

Trump do të marrë pjesë edhe në festimet për Ditën e Pavarësisë më 4 korrik në Uashington.

Më 4 korrik, SHBA-ja shënon 244-vjetorin e pavarësisë.

Ky përvjetor i pavarësisë shënohet kur në SHBA, 125,000 persona kanë humbur jetën nga koronavirusi, teksa numri i rasteve të reja me këtë virus po vazhdon të rritet.

13 shteteve anëtare të BE-së marrin masa kundër terrorit në internet

10:45 Bota

Rriten tensionet mes Turqisë dhe Francës pas konfrontimit në brigjet e Libisë

10:02 Bota

Profesori suedez: Imuniteti ndaj COVID-19 mund të jetë më i lartë seç mendohet

09:18 Bota

5 mënyra se si një prodhues veshjesh u bë i rëndësishëm për shoqërinë gjatë COVID-19

09:13 Bota

Çfarë është Remdesiviri dhe pse po e kërkojnë të gjithë?

09:03 Bota

The Economist: Sa dëme ka shkaktuar Covid-19 në qytetet e mëdha perëndimore?

08:58 Bota

Partnerët strategjikë thirrje SHBA-së për vëmendje ndaj Detit të Zi

22:25 Bota

Irani kërcënon të hakmarret pas incidentit në uzinën bërthamore

22:10 Bota

ANALIZA: Pse Turqia e ka përballuar kaq mirë COVID-19?

21:22 Bota

Putin nënshkruan ndryshimet Kushtetuese që e mbajnë në pushtet deri në vitin 2036

21:02 Bota