Te fundit
Marrëzitë “ligjore” të opozitës dhe pse nuk i publikojnë sondazhet, meqë e nxjerrin Bashën me "bluza të ngushta e xhinse" fitues të zgjedhjeve
14 Korrik 2020, 11:04Politika
TEMA
Sekretari për Çështjet Ligjore në Partinë Demokratike, Çlirim Gjata, ka dhënë dje një intervistë për Abc Neës. Intervistë e cila jep sadopak të kuptojë se në ç’gjendje është opozita e sotme shqiptare.
Thotë ndër të tjera, z. Gjata:
“I thotë Ramës mendja do të ndërrojë Kushtetutën. Kush e ka këtë luks të bëjë gjëra të tilla?
Pa dashur ti hyjmë, që ana tjetër e monedhës është frika e humbjes së zgjedhjeve.
Ka parë sondazhet? Po ndryshove kushtetutën duhet të ndryshosh edhe kodin, pra ra marrëveshja.
Po e bën se ka frikë nga humbja e zgjedhjeve. E drejta e koalicionit është standard demokracie”.
Pra sipas z. Gjata, manovrat e tanishme të Edi Ramës lidhen me sondazhet që paralajmërojnë humbjen e tij.
Mirëpo nëse kjo është e vërtetë, pse atëherë Partia Demokratike nuk i publikon këto sondazhe? Cila parti nuk do nxitonte të publikonte një lajm të mirë për të?
Mos vallë z. Gjata e ka fjalën për sondazhin e gazetës “Shqip” që përfaqëson një histori mjerane të atij që kapet te fija e barit?
Nëse kërkon të marrësh vesh diçka në PD për kompanitë që merren me PR e z. Basha apo partisë, e ke thuajse të pamundur.
Madje aq të pamundur sa nis e dyshon se në realitet nuk ka një gjë të tillë.
Aty kanë ngecur disa ish-gazetarë paskuintash që janë shndërruar në këshilltarë, njerëz që e kanë shndërruar z. Basha në një njeri që vishet e sillet si picajol me bluza të ngushta dhe xhinse, tipi i njeriut që do bakshish pse të vjen e të takon.
Le të nxjerrë pra sondazhet kjo parti dhe të shohim të gjithë situatën e tyre.
Pjesa tjetër e komenteve të z. Gjata është dramatikisht komike, nisur nga profesesioni i tij dhe përvoja si drejtues i Komisionit Qendror të Zgjedhjeve.
“Nuk është primare sot sistemi. Të ndalohet vjedhja e votës. Kemi thënë çështjen e sistemit t’ja shtrojmë referendumit.
Nuk mjafton t’i hyjmë me arnime kushtetuese, por duhet të bëjmë një reformë totale kushtetuese. Dhe kjo ti nënshtrohet referendumit popullor”, shprehet ai.
Një tallje.Si do të shtrohet pyetja në referendum: jeni për sistem proporcional, rajonal, mazhoritar? Kush vallë kupton se çfarë do të thotë njëri apo tjetri, sesi njëri apo tjetri përshtatet me vendin përveç ekspertëve apo atyre që merren me politikë dhe kanë përvojë administrative?
Le të na thotë ky zotëri që tallet sot me veten, si e lexon ai votën e referendumit të 1994-ës, si votë politike, apo si vullnet kundër disa amendamenteve?
Përvoja e referendumeve është e tillë që dikton nevojën më së paku për seriozitet.
Edhe me referendumin për BREXIT u fol se argumenti vetë kërkonte diskutim dhe votë të kualifikuar.
Si vallë do të ketë referendum për disa aspekte teknike të një ligji dhe të Kushtetutës?
Është e qartë se PD-ja nuk ka asnjë ide për pushtetin. Ajo ka pritur radhën dhe tani po nuhat se pakënaqësia ndaj Ramës do shndërrohet në votë pro saj.
Por edhe të gjithë nuk janë qorra. Zoti Gjata nuk e di me siguri nëse z. Rama nuk do t’i rikthehet marrëveshjes së 5 qershorit.
Me siguri që do dalë sërish e do thotë se presioni i opozitës triumfoi mbi frikën e z. Rama nga zgjedhjet.
Puna është a e beson kush? A e beson vetë z. Gjata një gjë të tillë? Nëse po, atëherë kemi të bëjmë me një fazë autike të PD-së dhe një parathënie të asaj që do të jetë qeveria e mundshme e saj nesër.
Në atë parti tanimë militojnë vetëm njerëz që tundin kokën dhe mund të pohojnë marrëzi edhe më të mëdha se ato të pushtetit të Edi Ramës. Dhe kjo është dyfish fatkeqësi për këtë vend.
8 komente në “Marrëzitë “ligjore” të opozitës dhe pse nuk i publikojnë sondazhet, meqë e nxjerrin Bashën me “bluza të ngushta e xhinse” fitues të zgjedhjeve”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
N.q.s. PD-ja ka ndonje merit, ne keto 30 vjet te ashtuquajtura tranzicion,eshte vetem fakti qe keta e kthyen genjeshtren ne institucion.
Tani s’na ka ngelur gje tjeter,vetem ti japim mundesi strehimi dhe financimi ketij institucioni.
Une do propozoja nje ndertese te vogel ne oborrin e SHQUP-it,aty ska nevoje per leje ndertimi,kujt ja mbane te hapi gojen?
Edhe per drejtuesin e kam nje ide,,si do tju dukej Saiti i dollapit?
Se ai ka pervoje ne keto gjera.
PS ishte vetem nje ide.
Tema, moj propogande e PPSH dhe xhaxhi Edit….na thuj dicka per cadren e kurvave, Gerdecin dhe bunkerin e Surrelit….. ene mos harro te shkarkosh Ilirin e CePanit.
Clirim Gjata, i biri i spiunit Rustem Gjata, rraca me e nyte ardhur nga Kosova.
Si nuk ka mundur qe Shqipnia me shpetue nga pisa si puna e familjes Gjata?
Ata te PD le te flasin dhe te shpifin sa te duan,diten dhe naten,ps I ka te garantuara votat dhe fitoren.Pike.
Edhe ne referendum njerezit do votojne politikisht, pasi nuk i njohin sistemet.
Zoti Basha cilin opsion do te mbroje ne referendum. Hapje apo mbyllje te listave?
Demokratet do te votojne cfare tu thote Basha. Votoni lista te hapura!
Urra, listat e hapura jane me te mira.
– Votoni per lista te mbyllura!
– Urra, listat e mbyllura jane me te mira.
Se ç’lidhje kanë bluzat e ngushta dhe xhinset me politiken vetem nje leter higjenike si tema dhe nje bythelepirës si mjero mund ta shkruajë.
Propaganda e shpifur vazhdon.
pd po pregatit terrenin qe kur te humbi zghedhjet te thote mi vodhen votat..!!!!
Po te thote Rama , lista te mbyllura dhe koalicione para zgjedhore , ky specialisti bashke me ate arithmeticienin , pa tjeter do kerkojne lista te hapura e natyrisht koalicione pas zgjedhore .
As keta vete nuk dine c’kerkojne .