Kanë kaluar gati 75 vjet që kur Shtetet e Bashkuara të Amerikës (SHBA) hodhën bomba atomike në qytetet japoneze Hiroshima dhe Nagasaki më 6 dhe 9 gusht të vitit 1945 gjatë Luftës së Dytë Botërore, shkruan Anadolu Agency.

Kaluan tre çerek shekulli që kur Japonia kapitulloi si pasojë e hedhjes së bombave atomike të SHBA-së, në vitin e fundit të luftës që zgjati mes viteve 1939-1945.

Edhe pse Britania, Kina dhe SHBA në fund të korrikut të vitit 1945 i bënë thirrje Japonisë për dorëzim përmes Deklaratës së Potsdamit, Japonia deklaroi se nuk do të dorëzohet “pa kushte”.

Në fillim të gushtit, Japonia i propozoi “paqe të dakorduar” frontit të Aleatëve, të cilët refuzuan propozimin, me çka, në javën midis 6 dhe 12 gushtit, të hënën u hodh bomba në Hiroshimë dhe të enjten në Nagasaki.

Perandori i atëhershëm i Japonisë, Michinomiya Hirohito, në mesazhin e tij më 15 gusht deklaroi dorëzimin e vendit të tij pa kushte.

– U shkatërrua 70 për qind e Hiroshimës, ndërsa gjysma e Nagazaki-t

Bomba me uranium duke krijuar nxehtësi prej 3.000 centigradësh rrafshoi me tokën çdo gjë në një diametër prej 1,5 kilometra.

Bomba shkatërroi 70 për qind të Hiroshimës, ndërsa deri në fund të vitit 1945 shkaktoi vdekjen e 140.000 personave.

Teksa shumë njerëz të plagosur vdiqën ende pa iu nënshtruar ndihmës mjekësore, shumë të tjerë që shkuan në qytet për të dërguar ndihma po ashtu humbën jetën si pasojë e ekspozimit ndaj shiut radioaktiv të shkaktuar pas hedhjes së bombës.

Ndërkaq, në Nagasaki, kodrat përreth qytetit kufizuan përhapjen e forcës shkatërruese të bombës, megjithatë, afër 70 mijë persona humbën jetën në fazën e parë dhe gjysma e qytetit u shkatërrua.

– Sipas japonezëve numri i të vdekurve është gjysmë milionë

Sipas shifrave zyrtare të Komitetit të Projektit Manhattan të themeluar për të zhvilluar armë bërthamore për SHBA, para bombardimit në Hiroshima jetonin 255.000 njerëz.

Në fazë të parë në Hiroshima humbën jetën 66.000 persona dhe u plagosën 69.000 të tjerë. Ndërsa në Nagasaki ku jetonin 195.000 njerëz humbën jetën 39.000 dhe u plagosën 25.000 të tjerë.

Deri në fund të vitit numri total i të vdekurve është rritur në 135.000, ndërsa në Nagasaki 75.000.

Por japonezët njoftuan se vdekja në dy qytetet është afër 500.000.

– Hibakusha

Të dëmtuarit nga katastrofa atomike, të njohur si “Hibakusha”, u përballën me plagë të tmerrshme.

Bombat atomike përveç ndikimit shkatërrues si bombat konvencionale, zgjeruan edhe më tej diametrin e efektit si rezultat i reaksioneve të nxehtësisë dhe rrezatimit.

Këto bomba shkaktuan degormime dhe sëmundje të cilat vështirë trajtohen përfshirë edhe kancer tek shumë njerëz.

Depresioni psikologjik dhe plagët e viktimave vazhdojnë edhe në ditët e sotme.

Mosha mesatare e Hibakushave ka arritur në 82 ndërsa numri i tyre zvogëlohet gjithnjë e më tepër. Ata shprehin mesazhin e tyre për heqjen dorë nga armët bërthamore çdo gusht.

– Bota nën hijen e luftës bërthamore

Tërheq vëmendjen se administrata amerikane duke u justifikuar në “kërcënimin sovjetik” miratoi përdorimin e bombës përderisa lufta vazhdonte.

Krahas dorëzimit të Japonisë, bombat atomike, të cilët përbënin një pikë kthese të luftës, shkaktuan edhe transformimin e marrëdhënieve ndërkombëtare.

SHBA dhe Bashkimi Sovjetik formuluan mënyrën e montimit të bombave të fuqishme me hidrogjen në raketa balistike ndërkontinentale (ICBM), me çka hodhën hapin drejt epokës së “përdorimit të forcës ekstreme”.

Mes viteve 1960 dhe 1990, bota hyri në periudhën e “Luftës së Ftohtë” që u kaloi nën hijen e luftës bërthamore, por gjatë së cilës dy fuqitë bërthamore asnjëherë nuk morën guximin t’i hapin luftë “të drejtpërdrejtë” njëra-tjetrës.

3 komente në “Tre çerek shekulli nga katastrofa atomike në Hiroshima dhe Nagasaki”

Hiroshima dhe Nagasaki ishte karma qe japonezet e meritonin says:

4 Gusht, 2020 19:18 te 7:18 pm

Nuk e kuptoj se perse e kujtoni kete ngjarje? Japonezet i sulmuan amerikanet ne Hawaii (Pearl harbor) pa i shpallur lufte dhe vrane me qindra personel ushtarak dhe shkaterruan me dhjetra anije luftarake. Te dy vendet ishin ne paqe me njeri tjetrin. Japonia ishte ajo qe sulmoj pa paralajmeruar dhe deklaruar luften. Me pas filloj lufta mes dy vendeve dhe pati me qindra mijra te vrare. Hiroshima dhe Nagasaki ishin kryevepra e Amerikes per ta shkaterruar kete bishe fashiste dhe shkaterrimtare te botes. Nese do te lexoni se cfare kane bere japonezet ne Kine me eksperimente helmimesh masive nga ajri, me viruse nga ajri, me insekte nga ajri, me semundje bakteriale te hedhura nga ajri do te arrinit ne konkluzionin qe Hiroshima dhe Nagasaki ishin karma qe japonezet meritonin. Ata u paralajmeruan qe te dorezoheshin dhe ti jepnin fund luftes, por nuk pranuan. Dhe si pergjigje moren Hiroshimen dhe Nagasaken. Dhe lufta mbaroj sa hap ae mbyll syte. Perse e kruajten me gjigandin boteror? Miu in hales sulmoj gjigandin dhe e hengri. Tani jane bere pula dhe rrine si te dhjere ne breke. Lerini te vuajne karmen qe vete e krijuan dhe mos i kujtoni keta barbare. Nuk ja vlen ti kujtoni, dhe duket qe nuk i njihni mire Japonine dhe japonezet. Lerini keta protestuesit e dhjere (kalamajte dhe pacifistet) te brezit te trete ti kujtojne barbaret, por jo ju qe e dini qe fashizmi e shkaterroj Shqiperine. Dhe cdo Hiroshime per nazistet dhe fashistet europiane do te ishte e merituar, me shkaterrimin dhe barbarite qe i bene vendeve te botes dhe vjedhjet masive te artit, arkeologjise, pasurive si floririn e botes (perfshi edhe ne shqiptaret). Por ja hodhen paq keta te Europes.

Përgjigjjuni
Profesori nga kosova says:

4 Gusht, 2020 20:14 te 8:14 pm

ky është një nga të paktat raste ku duhet surrati i vërtetë i aleatit strategjik !!

Përgjigjjuni
Profesori nga kosova says:

4 Gusht, 2020 20:15 te 8:15 pm

ky është një nga të paktat raste ku duhet surrati i vërtetë i aleatit strategjik !!!
të thuash tërë kohën llafe , liiri demokraci, barazi, ndershmëri dhe të bombardosh me raste
është vërtetuar që njerëzit do të besojnë fjalët e bukura dhe jo veprat mizore

Përgjigjjuni