Zv.kryetari i Gjykatës së Tiranës konfirmohet me shumicë votash

Komisioni i Pavarur i Kualifikimit është ndarë 2 me 1 në vendimin për konfirmimin në detyrë të gjyqtarit Petrit Çomo.

Nga Edmond Hoxhaj

Zv.kryetari i Gjykatës së Tiranës, Petrit Çomo u konfirmua në detyrë “me shumicë votash” të enjten në Komisionin e Pavarur të Kualifikimit. Vendimi u shpall nga trupa e drejtuar nga Brunilda Bekteshi, me relator Olsi Komici dhe anëtare Xhensila Pine.

Petrit Çomo e ka filluar karrierën në sistemin e drejtësisë në vitin 2000 dhe ka punuar për gati dy dekada si gjyqtar dhe zv.kryetar i Gjykatës së Tiranës. Në vitin 2015, ai u zgjodh anëtar i ish-Këshillit të Lartë të Drejtësisë – detyrë që e mbajti deri në shkrirjen e këtij institucioni.

Gjatë seancës dëgjimore që u zhvillua të mërkurën, Çomo u përball me pikëpyetje mbi saktësinë e deklarimit të pasurisë dhe dyshime për fiktivitet në një kontratë sipërmarrje për një apartament banimi.

Por gjatë seancës, Çomo shpjegoi se apartamenti ishte përfituar pa pagesë në cilësinë e qiramarrësit, pas një marrëveshjeje me pronarët e tokës dhe ndërtuesin dhe se kontrata ishte nënshkruar për të pasur garanci mbi dakordësinë.

Komisioni konstatoi balancë negative prej 555 mijë lekësh për blerjen e një automjeti dhe kryerjen e shpenzimeve të tjera në vitin 2013, ndërsa nuk u gjetën probleme me depozitat e trashëguara prej babait që i ka përfituar nga dëmshpërblimi si i persekutuar dhe nga të ardhurat e nënës, që ka trashëguar prona prej familjes së saj.

Me vendimin e konfirmimit, KPK ka rrëzuar një raport papërshtatshmërie të DSIK për gjyqtarin Petrit Çomo. Në seancën dëgjimore u sqarua se personi i përmendur në raport nuk kishte procedim për krim të organizuar, por për pengim të ekzekutimit të një urdhri përmbarimor.

Sistemi 41 bis "tërbon" Shullazin dhe grupin e tij, avokati ankimon vendimin: Është e paligjshme

12:58 Kronika

OFL zbarkon në Tiranë dhe Bulqizë, i kërkon burimin e pasurisë tre të dënuarve, njëri prej tyre njihet me 3 emra

12:25 Kronika

“E bëmë për nderin e familjes, ai vinte në shtëpi tek e afërmja jonë”, vëllezërit pranojnë krimin, zbardhin konfliktin me taksistin e moshuar

11:24 Kronika

Arrestohet autori i vrasjes së shoferit në Gjirokastër, si nisi sherri pas drekës në Zagori. Emri

08:58 Kronika

Procedurat për ngritjen e FBI-së shqiptare, ja si do të zgjidhen hetuesit dhe shtrirja në rrethe. Roli amerikan

08:35 Kronika

DETAJET/ U gjet i vdekur brenda kamionçinës, policia: Identifikohet autori që e goditi me sende të forta, po udhëtonin së bashku

17:54 Kronika

Avokati i Ylli Ndroqit: SPAK u nxitua me sekuestrimin, ka parregullsi ligjore e proceduriale. Do ankimojmë vendimin. Televizionin e ka marrë me kredi, disa prona i ka trashëgimi nga babai

15:48 Kronika

“Të dënuar për vjedhje”, OFL vë në shënjestër 3 “skiftera" në Tiranë: Deklaroni pasurinë brenda 48 orëve

13:14 Kronika

DETAJET/ Stuhia përmbyti varkën e peshkatarëve në Himarë: Gjendet trupi i pajetë i gruas

12:25 Kronika

Moti i keq: Dolën në det për të mbledhur rrjetat, tre pjesëtarë të një familje i zë furtuna. Djali e babai dërgohet në spital, gruaja nuk gjendet

11:06 Kronika