Te fundit
Prokurori Nezir Gjoka dha dorëheqjen pas kalimit të barrës së provës
13 Gusht 2020, 17:13Kronika
TEMA
Komisioni i Pavarur i Kualifikimit ka ndërprerë procesin e vetingut për prokurorin e Apelit të Tiranës, Nezir Gjoka, pasi ky i fundit paraqiti në Këshillin e Lartë të Prokurorisë dorëheqjen e parevokueshme, të motivuar me arsyet shëndetësore.
Sipas vendimit të arsyetuar të datës 3 gusht të trupës gjyqësore të kryesuar nga Suela Zhegu dhe me anëtarë Valbona Sanxhaktari dhe Genta Tafa Bungo, prokurori Gjoka e paraqiti dorëheqjen më 2 qershor 2020; gati tre muaj pas vendimit të KPK-së për mbylljen e hetimit administrativ vetëm për kriterin e pasurisë.
Mbyllja e hetimit për Gjokën dhe kalimi i barrës së provës për kriterin e pasurisë përkoi me periudhën e pezullimit të aktivitetit të Komisionit të Pavarur të Kualifikimit për shkak të masave kundër përhapjes së COVID-19.
Dorëheqja është miratuar nga Këshilli i Lartë i Prokurorisë më 12 qershor dhe i është komunikuar KPK-së më 24 qershor 2020.
Neni G i Kushtetutës ka parashikuar mundësinë e dorëheqjes së magjistratëve, duke sjellë edhe ndërprerjen e procesit të rivlerësimit. Sipas kësaj dispozite, subjekti që dorëhiqet humbet të drejtën për t’u emëruar në sistemin e drejtësisë për një periudhë 15 vjeçare.
1 komente në “Prokurori Nezir Gjoka dha dorëheqjen pas kalimit të barrës së provës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
TE GJITHE PLERAT E BENE LIGJIN NE INTERES TE TYRE.SA SHOFIN REZIKUN JAPIN DOREHEQJE IKIN KRENAR POR TE DHJERE KETA JANE PER NE BURG