Te fundit
Takim Kosovë-Serbi në Shtëpinë e Bardhë më 2 shtator, ja çfarë njofton i dërguari i Trump
14 Gusht 2020, 08:10Rajoni
TEMA
I dërguari i posaçëm i Presidentit amerikan për bisedimet Kosovë-Serbi, Richard Grenell tha se udhëheqësit e dy vendeve do të takohen në Shtëpinë e Bardhë për bisedime më 2 shtator.
Ambasadori Grenell e bëri njoftimin të enjten në Twitter, por nuk dha hollësi të tjera.
Takimi në Shtëpinë e Bardhë me ndërmjetësimin e ambasadorit Grenell ishte planifikuar fillimisht për më 27 qershor, por planet dështuan për shkak se Prokuroria e Posaçme për Kosovën me seli në Hagë, publikoi njoftimin për ngritjen e akuzave ende të pakonfirmuara ndaj presidentit të Kosovës, Hashim Thaçi dhe kryetarit të Partisë Demokratike, Kadri Veseli, si të dyshuar për krime kundër njerëzimit dhe krime lufte.
Grenell tha më pas se takimi do të bëhej në një datë të ardhme.
Ndërkohë, më 16 korrik, kryeministri i Kosovës Avdullah Hoti dhe presidenti i Serbisë, Aleksandër Vuçiç zhvilluan takimin e parë pas 20 muajsh të ndërmjetësuar nga Bashkimi Evropian.
Të dy udhëheqësit diskutuan për çështjen e personave të zhdukur gjatë luftës, zhvillimin ekonomik dhe me pajtimin që të vazhdojnë bisedimet në shtator.
Gjatë një vizite kohët e fundit në Uashington, bashkërenduesi i Kosovës për bisedimet me Serbinë, Skënder Hyseni tha për Zërin e Amerikës se Prishtina e sheh rolin e SHBA në dialogun Kosovë-Serbi si të pazëvendësueshëm dhe se kishte marrë angazhimin e Uashingtonit në këtë drejtim.
Ai tha se dialogu me Serbinë duhet të marrë një dinamikë të re dhe duhet të kulmojë me njohje reciproke. VOA
1 komente në “Takim Kosovë-Serbi në Shtëpinë e Bardhë më 2 shtator, ja çfarë njofton i dërguari i Trump”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po duroni edhe 3 muaj sa te behen zgjedhjet presidenciale neo Shqiptare kosovare! Nxitimi i ketij Grenellit bie ere. Administrata Trump eshte e molepsur me interesa te drejtperdrejta serbe ne rajon dhe nuk e llogarit fare ekzistencen e kosoves. Ceshte ky dreq nxitimi nga pala kosovare! Mos u beni pjese e pazareve te Serbise o shqiptare sepse do te vuani pasojat e nje veprimi qe nuk e cbeni dot me.