Meta: Qytetarët të informohen si ka vepruar qeveria gjatë pandemisë, sa është respektuar Kushtetuta. Transparencë për masat

Në 67-vjetorin e hyrjes në fuqi të konventës Europiane për Mbrojtjen e të Drejtave të Njeriut dhe Lirive Themelore, Presidenti Meta ka përcjellë mesazhin se “të drejtat dhe liritë themelore të njeriut, janë të patjetërsueshme, të panegociueshme, e të pacënueshme!”

Kreu i Shtetit thekson se pandemia COVID që ka pushutuar botën është një test shumë i rëndësishëm për Shqipërinë, transparenca e të cilit duhet të ndahet me qytetarët, pasi “nëse nuk ka transparencë, çdo gjë shuhet dhe bie në errësirrën e së keqes”.

“Qytetarët kanë të drejtë të informohen se si ka vepruar Qeveria e tyre përgjatë kësaj periudhe të vështirë dhe se sa të mbështetura në Kushtetutë dhe Konventë janë vendosur dhe zbatuar këto masa kufizuese përgjatë gjithë kësaj kohe”, shkruan Presidenti.

Postimi i plotë:

Sot bëhen 67 vite nga hyrja në fuqi e Konventës Europiane për Mbrojtjen e të Drejtave të Njeriut dhe Lirive Themelore.

KEDNJ solli një perceptim të ri për këto të drejta dhe i dha hov zhvillimeve demokratike në hapësirën europiane.

Kjo Konventë e rëndësishme orientoi zhvillimet demokratike edhe në Shqipërinë post-komuniste.

E ratifikuar në vitin 1996, ajo u integrua në tekstin Kushtetues që u miratua me referendum në vitin 1998.

KEDNJ përforcoi të drejtat dhe liritë themelore të njeriut.

Bashkë me Kushtetutën ato përcaktojnë bazën dhe kufijtë e veprimtarisë së shtetit tonë në raport më të drejtat e njeriut.

Pandemia COVID-19 ishte dhe mbetet një test për çdo vend, që të garantojë maksimalisht liritë e të drejtat për shtetasit e vet, madje edhe në rastet e fatkeqësive natyrore.

Në këtë test po kalon edhe Shqipëria.

Sot, 24 vite pas bërjes palë të kësaj Konvente, Shqipëria ka nevojë për nje analizë serioze për të vlerësuar masën në të cilën të drejtat dhe standartet demokratike që cakton KEDNJ janë garantuar për shtetasit e saj.

Në këtë ditë me rëndësi të veçantë, dua të sjell në vëmendje të të gjithëve se, përveç kujdesit dhe trajtimit shëndetësor të denjë ndaj qytetarëve, ligjshmëria, nevoja, proporcionaliteti dhe mosdiskriminimi – janë testet që duhet të përsëriten çdo ditë nga organet shtetërore për secilën masë kufizuese që po na shoqëron në përditshmërinë tonë në luftën kundër COVID-19.

Ndërsa transparenca mbi motivet e caktimit të këtyre masave është pasqyra para së cilës duhet të dalë Qeveria për të reflektuar.

Qytetarët kanë të drejtë të informohen se si ka vepruar Qeveria e tyre përgjatë kësaj periudhe të vështirë dhe se sa të mbështetura në Kushtetutë dhe Konventë janë vendosur dhe zbatuar këto masa kufizuese përgjatë gjithë kësaj kohe.

Nëse nuk ka transparencë, çdo gjë shuhet dhe bie në errësirrën e së keqes.

Të drejtat dhe liritë themelore të njeriut, janë të patjetërsueshme, të panegociueshme, e të pacënueshme!

Nuk është Rama e as Basha, Shpëtim Idrizi ka "shansin" e hapjes së takimeve me Metën për konsultimin mbi datën e zgjedhjeve

21:03 Politika

Monika Kryemadhi: Rama e Veliaj i përçmojnë të rinjtë, LSI-ja dëshiron të krijojë mundësi për ta

20:43 Politika

Data e zgjedhjeve, Rama i përgjigjet ftesës së Metës, nesër i shkon në zyrë me Ballën në orën 11:00

20:22 Politika

“Të arrijmë 800 mijë vota”! Takimi me kryebashkiakët, zbardhen porositë e Ramës: Çdo emërim drejtori të çohet për konsultim te Braçe

19:14 Politika

Shkëlzeni duhet të shqetësohet për boronicat dhe shpërthimin në Gërdec, jo për librin në SHBA!

18:30 Politika

"Edi, ky komunist që pruri nga SHBA eshtrat e krye-antikomunistit më të madh dhe një e vërtetë që nuk e thonë"

18:14 Politika

Bashkia Durrës i përgjigjet Xhaferrajt: Keqardhje për katandisjen e PD, nuk dinë gjeografinë e bashkisë e as ku i bie Rrushkulli

17:55 Politika

INTERVISTA/ Anthony Fauci: Vaksina kundër Covid-19, në dhjetor, ose janar. Ja kur pritet të godasë pandemia e ardhshme…

17:53 Politika

Tit Vasili: Rama është mediokër, i paaftë, gënjeshtar dhe tradhëtar, duhet të kishte ikur me kohë por tani do e largojmë ne

17:56 Politika

Nga diplomatë, tek gazetarë, Shkëlzen Berishën e urojnë për “fitoren” në SHBA: E drejta vonon, por nuk harron. Zoti është me ty

17:30 Politika 1 koment