Rasti i nënës me foshnjën në burg e nxori zbuluar sistemin e drejtësisë

Ka raste kur një ngjarje e vetme tregon më shumë se dhjetëra raporte. Rasti i nënës 34-vjeçare që përfundoi në burg me foshnjën shtatë muajshe në krah është një prej tyre.

Këtu nuk kemi vetëm një vendim gjykate. Kemi përballë pyetjen më të madhe, a mjafton të zbatohet ligji, apo drejtësia kërkon edhe arsyen?

Për dy muaj burg, i gjithë mekanizmi funksionoi me saktësinë e një ore zvicerane. U gjet personi, u ekzekutua vendimi, u hap dera e burgut. Ligji u zbatua me përpikëri. Madje me aq përpikëri sa mbeti pa përgjigje pyetja më e thjeshtë, ku do të shkonin fëmijët?

Një nënë me tre të vegjël u përball me të gjithë peshën e shtetit.

Këtu lind ironia e hidhur.

Qytetarët kanë parë një tjetër fytyrë të sistemit. Kanë parë raste ku të fortët hyjnë në burgje me eskortë, me vëmendje, me privilegje dhe me një proces që shpesh duket sikur ecën me ritëm tjetër. Kanë parë se si për disa dyert hapen me vonesë, ndërsa për të tjerë mbyllen menjëherë.

Për një nënë me foshnjë në gji, sistemi tregoi muskujt e tij. Pa diskutim. Pa vonesë. Pa asnjë lëkundje.

Pikërisht këtu qëndron problemi. Një shtet nuk tregohet i fortë vetëm duke zbatuar një urdhër. Tregohet i drejtë kur di të dallojë mes një rasti ku kërkohet ndëshkim dhe një situate ku kërkohet edhe gjykim njerëzor.

Askush nuk kërkon që ligji të mos zbatohet. Por ligji nuk mund të jetë i hekurt vetëm me ata që nuk kanë fuqi të mbrohen.

Ky nuk është një dështim i Reformës në Drejtësi. Është një provë se drejtësia nuk ndërtohet vetëm me institucione dhe nene ligjore. Ndërtohet me masë, me proporcionalitet dhe me një pyetje që çdo zyrtar duhet ta bëjë përpara se të zbatojë një vendim:

A po bëjmë drejtësi, apo thjesht po zbatojmë një procedurë?

Një sistem që di të jetë i pamëshirshëm me të dobëtin dhe i ngadaltë me të fortin, ka ende shumë për të rregulluar.

Shpresoj që nëna të dalë sa më shpejt!

Si po e 'çmend' SPAK-un Agron Shehaj me vilën 15 milionë euro, dyshimet për pastrim parash dhe mashtrim me deklarimin e pasurisë

11:15 Blog 63 komente

Plutarku në “jetë paralele” dhe partitë politike në Shqipëri!

10:05 Blog 14 komente

Një sondazh për sharësit revolucionarë antiturizëm

09:25 Blog 35 komente

Behlul Jashari, kronisti i qëndresës që u harrua nga Kosova e Shqipëria

22:32 Blog 4 komente

Rinovimi i PD, si protesta e flamingove

19:50 Blog 5 komente

Festivali i denoncimeve shpëton vetëm socializmin

18:47 Blog 15 komente

Keqkuptimi i madh i politikës shqiptare

18:40 Blog 8 komente

Një duet i keq i këngës së huaj në Shqipní

17:30 Blog 22 komente

36 bashki apo më shumë?

12:51 Blog

Vjedhja mbetet vjedhje edhe kur kryhet me Inteligjencë Artificiale

10:15 Blog 5 komente