Te fundit
Lulzim Basha i hyn detit të Durrësit 'me këmbë'
1 Tetor 2020, 19:02Politika
TEMA
Vetëm në 48 orë, kreu i PD-së, Lulzim Basha, ka ndërmarrë 6 takime në qarkun e Durrësit, ku sipas gjasave do të jetë drejtuesi i listës së opozitës në këtë zonë zgjedhore.
Një intensitet politik, që realisht nuk ishte parë nga lideri i opozitës në aktivitetin e tij të këtyre viteve si kryetar opozite, ku kryesisht Basha ka pasur një aktivitet në qendër e me deklarata politike, si çadra apo edhe protestat e vitit 2019.
Ka një analogji në aktivitetin intensiv të Bashës në Durrës këto ditë, me vitin 2009, kur Berisha e caktoi ministrin e atëhershëm të Jashtëm që të drejtonte qarkun e Elbasanit, një qark dukshëm i majtë, ku nga PS-ja, Edi Rama kishte caktuar drejtuese Valentina Leskajn.
Basha në atë kohë zhvilloi një fushatë intensive në Elbasan, ku fizikisht përshkoi të gjithë njësitë vendore të qarkut dhe arriti në zgjedhjet e 21 qershorit që të siguronte një rezultat historik për PD-në: barazim 7 me 7.
Prej atëherë PD nuk e arriti më këtë rezultat në Elbasan, i cili historikisht cilësohet si një qark që rreh më shumë majtas.
Dy vjet më pas, kur kandidoi dhe mori mandatin si kryetar bashkie në Tiranë, kreu i PD-së pati gjithashtu një fushatë intensive, por që në analogji me zgjedhjet parlamentare, 2009 shikohet si një model i kundërshtimit të steriotipit të “gjumashit” që PS i ka vënë Bashës që prej 2015-s.
Tjetër aspekt i rëndësishëm i kësaj fushate të opozitës, është edhe zbritja tek terreni konkret i përmbajtjes së programit, ideve dhe propozimeve që sjell Partia Demokratike përballë elektoratit.
Ky intensitet i Bashës, ka komplikuar disi atmosferën në mazhorancë, pasi Ramës do t’i duhet të ngrejë stekën e duelit për të përballuar kreun e opozitës, aq më shumë se në Durrës përveç Bashës përflitet se do të jetë kandidate edhe kreu i LSI-së, Monika Kryemadhi, edhe pse të dy nuk mund të kandidojnë në një qark.
Deri tani, Rama ka lënë si drejtues qarku kreun e OSHE-së, Ardian Çela, i cili është më shumë figurë teknike sesa politike, megjithëse ka qenë edhe zëvendësi i Vangjush Dakos në Bashkinë e Durrësit.
Vetë Rama, duket pikërisht për këtë qëllim e ka komanduar hë për hë veten e tij si drejtues politik i qarkut, por që në fund, siç ka thënë edhe vetë, do të vijojë të kandidojë në Vlorë.
Cili do të ishte ai politikan që do të dalë në duel me Bashën nga e majta në Durrës? Për ta bërë këtë i duhet të zgjedhë një nivel të lartë. Basha, duket se ka zgjedhur Durrësin edhe për këtë fakt, pasi një duel në Tiranë me Erion Veliajn, që drejton fushatën e PS-së në kryeqytet, do të ekspozonte më shumë pikën e tij të dobët politike-Bashkinë e Tiranës.
Por ka edhe gjasa që Rama t’ia lërë bosh fushën kreut të PD-së në Durrës, duke tentuar që të luajë kartat poshtë në bazë për të marrë votat, e ta lërë Bashën që të bëjë duel me veten.
Edhe kjo është një taktikë, pasi duelet, ka raste edhe të dëmtojnë, por po e luajte mirë lojën mund të rrisin shumë.
E në politikën shqiptare, të mëdhenjtë, përgjithësisht kanë shmangur duelin në ringun politik: që të luajnë me “barazimin”, pasi ringu dikë do hedhë knockout…(Shqip)
2 komente në “Lulzim Basha i hyn detit të Durrësit ‘me këmbë’”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Bibi-lush??????
ky cop muti eshte nji nder robt
me te shemtuar ne bote
karakter me shkerdhate nuk bohet
e forta osht,kur shitet si politikan, ky klloun i dal nga Llumi Njerezimit
qe me pare se te bej Borat Komikun rrugeve
te shkoj perballet me Drejtesine, per vjedhet qe i ja her Shtetit,
Krimet nda popullit shqiptare (qe mnudet te humbi durimin e cpoje Qypin me mut qe mban mbi shpatulla)
te pergjigjesh per Tradheti ndaj Shqiperise
dhe te Justifikosh Pasurine e ber ne kto 10-vjet Kriminalitet Politik,
vene mbi Koston e jetes se ktij populli,
qe Dreqi e di perse ste Terheq Zvarre ku te kapi,
Ti je per Gijotine jo Politik prostitute Hollande ??