Komisioni Evropian: Shqipëria plotëson kushtet për konferencën e parë të anëtarësimit

Sigurohet raporti i Komisionit Evropian, i cili do të bëhet publik më vonë gjatë ditës, ku Shqipëria vlerësohet se ka shënuar progres të mirë në reformat kyçe.

Gjykata Kushtetuese mbetet i vetmi kusht ende i paplotësuar për Konferencën e parë të anëtarësimit, sipas raportit.

Klima politike gjithashtu mbetet problem dhe në raport citohet si shumë e polarizuar.

Reformat

Pavarësisht nga rezultati pozitiv i marrëveshjes së arritur në 5 qershor 2020, dialogu politik në vend duhet të përmirësohet, veçanërisht për reformën zgjedhore dhe zbatimin e saj.

Shqipëria është mesatarisht e përgatitur në reformën e administratës publike. Përpjekjet vazhduan në disa fusha. Këto arritje të prekshme kanë nevojë për konsolidim të mëtejshëm.

Sistemi gjyqësor i Shqipërisë është i përgatitur mesatarisht. Zbatimi i një reforme gjithëpërfshirëse dhe të plotë të drejtësisë ka vazhduar, duke rezultuar në progres të mirë. Institucionet e reja për vetëqeverisjen e gjyqësorit kanë kryer detyrat e tyre, duke përfshirë menaxhimin e proceseve për të mbushur vendet e lira në Gjykatën e Lartë dhe Gjykatën Kushtetuese.

Rivlerësimi i përkohshëm i të gjithë gjyqtarëve dhe prokurorëve (procesi i verifikimit) ka përparuar në mënyrë të vazhdueshme, duke vijuar të prodhojë rezultate të prekshme, duke përmbushur kushtin për KPGJ-në e parë. Më shumë se 286 dosje janë përpunuar deri më tani, duke rezultuar në 62% shkarkime, kryesisht për çështje që lidhen me pasuri të pajustifikuara ose dorëheqje.

Korrupsioni

Shqipëria ka një nivel  të caktuar të përgatitjes në luftën kundër korrupsionit. Progres i mirë është bërë në periudhën raportuese. Autoritetet shqiptare forcuan kapacitetet operacionale, koordinuese dhe monitoruese në luftën kundër korrupsionit, duke përmbushur kështu kushtin për KPGJ-në e parë.. Ndërsa numri i hetimeve në vazhdim mbetet i lartë, deri më sot, dënimet përfundimtare në rastet që përfshijnë zyrtarë të nivelit të lartë mbeten të kufizuara.

Megjithatë, në përgjithësi, korrupsioni mbetet i përhapur dhe është një shqetësim serioz.

Krimi i organizuar

Shqipëria ka një nivel mesatar të përgatitjes në luftën kundër krimit të organizuar. Shqipëria ka bërë përparim të mirë në forcimin e luftës kundër krimit të organizuar, përfshirë përmes bashkëpunimit me Shtetet Anëtare të BE dhe përmes planit të veprimit për të adresuar rekomandimet.

Si në vitet e kaluara, Shqipëria tregoi gjithashtu në 2019 një angazhim të fortë, të vazhdueshëm për të kundërshtuar prodhimin dhe trafikimin e kanabisit. Përpjekjet duhet të vazhdojnë, për të siguruar rritjen e ndjekjeve penale dhe dënimet përfundimtare, si dhe luftimin e pastrimit të parave dhe konfiskimin e pasurive që vijnë nga krime dhe pasuri të tjera të pajustifikuara.

Pronat

Nevojitet progres i shpejtë për avancimin e procesit të regjistrimit të pronave. Shqetësimet janë ngritur nga qytetarët që i përkasin pakicës greke në lidhje me të drejtat e pronës në rajonin bregdetar jugor.

Sa i përket lirisë së shprehjes, vendi është mesatarisht i përgatitur. Në dhjetor 2019, Parlamenti miratoi një sërë ndryshimesh në ligjin e medias. Ndryshimet nuk janë në standardet dhe parimet ndërkombëtare të lirisë së medias dhe ngrenë shqetësime në lidhje me rritjen e censurës dhe vetëcensurës, dhe rreth pengesave të mundshme të lirisë së shprehjes në vend. Përfaqësuesit nga shumica qeverisëse u angazhuan publikisht për të ndjekur udhëzimet e opinionit të Komisionit të Venecias. Projektligji për mediat aktualisht po rishikohet.(euronews)

Deklarata e fortë nga Turqia: Bandat e armatosura të Armenisë ose do të tërhiqen nga Malësia e Karabakut ose do shtypen

11:03 Bota

Pompeo kritikon “aktivitetin e dëmshëm” të Kinës

10:37 Bota

FMN zhbllokon fonde për 28 vendet më të varfëra

10:35 Bota

Donald Trump: Jam i pamposhtur, i mbijetova demokratëve dhe virusit kinez

09:43 Bota

Europa përballë valës së dytë të Coronës

09:15 Bota

E rrallë: Venecia i shpëton përmbytjes për herë të parë pas 1200 vitesh

08:48 Bota

Presidenti Trump lë spitalin pas 72 orësh, rikthehet në Shtëpinë e Bardhë për të vijuar mjekimet ndaj COVID-19

08:30 Bota

Pandemia në SHBA, Nju Jorku do të izolojë zonat me vatra përhapjeje

22:10 Bota

Këto janë shtetet “e lumtura” pa infeksione COVID

21:55 Bota

Koronavirusi vazhdon të përhapet, OBSH: 10% e popullsisë së botës mund të jetë infektuar

21:25 Bota