ANALIZA: Erdogan dhe Macron kanë hesapet e tyre, që nuk kanë të bëjnë me fenë islame

Ata mund të jenë aleatë të NATO-s, por midis Presidentit Francez Emmanuel Macron dhe Presidenti turk Rexhep Tajip Erdogan ka më shumë urrejtje sesa dashuri. Gjatë vitit të kaluar, ata kanë përplasur brirët për një sërë çështjesh,  duke nga lufta civile e Libisë në konfliktin midis Armenisë dhe Azerbajxhanit deri në mosmarrëveshjet e tensionuara detare në Mesdheun lindor. Por përplasjet e fundit mbi fenë myslimane shënojnë përballjen më të ashpër mes Francës dhe Turqisë.

Gjatë fundjavës, Erdogan i vuri të gjitha kombet myslimane kundër Macron pas komenteve të presidentit mbi islamin radikal. Presidenti francez njoftoi një fushatë të diskutueshme për të ndryshuar praktikimin e këtij besimi fetar brenda Francës, duke paralajmëruar se disa myslimanë në vend po propagandonin besime që devijojnë “nga vlerat e republikës dhe që shpesh rezultojnë në krijimin e një shoqërie kundër shoqërisë. ”

Erdogan, i cili shpesh ndërhyn kundër hipokrizisë së perceptuar perëndimore dukë thënë se kërkon të mbrojë të drejtat e myslimanëve jashtë vendit të tij, tha se Macron është kundër lirisë së fesë. Por në luftën  mes Macron dhe Erdogan, feja është faktori më i parëndësishëm.

Ndërhyrjet e fundit të Turqisë, duke përfshirë mbështetjen e saj për Azerbajxhanin në betejën me forcat armene dhe mosmarrëveshjen e tensionuar me qeveritë e Greqisë dhe Qipros rreth të drejtave për kërkimin e burimeve në Mesdheun lindor, i japin Erdoganit një mjet për t’i përqendruar qytetarët tek çështjet nacionaliste duke harruar problemet e tjera të brendshme. Macron është “preja e fundit” e Erdoganit, pasi nuk është hera e parë që ai përdor një udhëheqës të Europës Perëndimore për të fituar mbështetjen e ndjekësve të tij.

“Pavarësisht se sa i irrituar është bërë Perëndimi me taktikat e Erdoganit, vendet perëndimore nuk mund të përgjigjen dhe të ndryshojnë sjelljen e Erdoganit”, thotë eksperti Gönül Tol. “Kështu që Erdogan nuk sheh asnjë arsye për të ndryshuar kurs. Për sa kohë që ai sheh mundësi për të djegur kredencialet e tij nacionaliste, ai nuk do të vazhdojë të luajë me kartën e besimit fetar. “

Por edhe Macron ka motive të dukshme të brendshme, gjithashtu. Lëvizjet e tij për të rregulluar praktikën e Islamit brenda Francës mund ta ndihmojnë të marrë mbështetjen e ekstremistë të djathtë të Francës. Në të njëjtën kohë, shfaqja e tij si rivali i madh i Erdoganit në Europë mund të ndërtojë imazhin që ai dëshiron të projektojë për veten e tij si mbrojtës i interesave europiane në skenën botërore. Udhëheqës të shumtë europianë u mblodhën rreth presidentit francez, duke shprehur  zemërim pasi Erdogani deklaroi se kreu francez kishte nevojë për “kontroll mendor”.

“Macron sheh një Turqi gjithnjë e më autoritare dhe agresive që kërcënon sigurinë europiane … dhe beson se europianët duhet të përgjigjen,” thotë  analisti Benjamin Haddad.

“Kjo është luftë ideale për të dyja palët,” shprehet Asli Aydintasbas, anëtar i Këshillit Eyropian për Marrëdhëniet me Jashtë. “Tek njëri-tjetri, Macron dhe Erdogan kanë gjetur armikun ideal. Ky rivaliet funksionon për të dy liderët në një farë mënyre të çuditshme, si brenda vendit ashtu edhe jashtë vendit, duke rritur ndikimit që si Turqia ashtu edhe Franca po përpiqen të projektojnë jashtë kufijve të tyre. “

Në të vërtetë, të dy liderëve u leverdis përballen me njëri-tjetrin sesa të përballen me sfidat në shtëpitë e tyre. Erdogan së shpejti mund të duhet të përballet me pasojat e aventurave të tij në politikën e jashtme, të cilat kanë bërë që si BE, ashtu edhe SHBA-ja të vendosin sanksione. Macron, ndërkohë, a ka dalë t’i shmanget me kujdes përgjegjësisë politike në shtëpi.

Në vend që të adresojë radikalizimin e myslimanëve francezë, veçanërisht në getot e jashtme të Francës, për të cilat ekspertët pajtohen gjerësisht se është shkaku kryesor i radikalizimit dhe dhunës , qeveria franceze synon të ndryshojë në praktikën e një besimi 1,400-vjeçari me pothuajse 2 miliard ndjekës paqësorë në të gjithë botën, përfshirë dhjetëra miliona në Perëndim.(gazetaSI,“Washington Post”)

Kryeministri italian: Duhet unitet kombëtar përballë krizës së COVID-19

16:52 Bota

SHBA, tejkalon 233 mijë numri i viktimave nga COVID-19

15:41 Bota

Pesë ditë para zgjedhjeve presidenciale në SHBA

15:11 Bota

COVID-19: Rusia "pushtohet" nga virusi, Putin përjashton kufizimin kombëtar

14:29 Bota

Fosili i Antarktikut mund të ketë qenë zogu më i madh fluturues ndonjëherë

14:20 Bota

Franca nuk gjen paqe pas provokimit me karikaturat: Tjetër sulm terrorist, thërret “Allahu Akbar” dhe sulmon me thikë policinë

12:54 Bota

E pazakontë në PE: Europarlamentari francez futet në grevë urie, shkak keqmenaxhimi i fondeve për shëndetin

10:37 Bota

A po kthehet vala e infektimeve dhe në Kinën “e pashpjegueshme”

10:32 Bota

Sulm terrorist në një kishë të Francës, dy viktima

10:26 Bota

Dilema e madhe e pazbardhur e koronavirusit: Është artificial, apo natyror?

10:14 Bota