Te fundit
Vatikani 'përgënjeshtron' Papën: Kisha Katolike është kategorikisht kundër martesave gay
3 Nëntor 2020, 11:41Bota
TEMA
Një deklaratë e Papa Françeskut mbi “bashkimin civil” të homoseksualëve, dhënë për një dokumentar, ka trazuar botën e krishterë.
Pas një furtune të vërtetë, Vatikani ka reaguar me anë të një letre “shpjeguese” për ambasadorët e vet në botë dhe peshkopët, ku sqarohet se fjalët e Papa Françeskut janë nxjerrë jashtë kontekstit dhe se Kisha Katolike nuk ka ndryshuar asgjë në doktrinën e saj, në lidhje me homoseksualët.
Letra është postuar në rrjetet sociale ambasadori i Vatikanit në Meksikë.
Në të thuhet se Papa Françesku e ka dhënë atë deklaratë në vitin 2010, kur ishte kryepeshkop i Buenos Aires dhe në Argjentinë kishte nisur një lëvizje për miratimin e martesave gay.
Françesku në atë kohë ishte shprehur kategorikisht kundër martesave gay dhe kishte folur për “bashkim civil”, që sipas Kishës Katolike, po përdoret tani, e nxjerrë nga konteksti.
Në martesave gay, Françesku favorizoi shtrirjen e mbrojtjes ligjore për çiftet homoseksuale, nën atë që kuptohet në Argjentinë si një ligj i bashkimit civil.
Por, e kishte marrë këtë pozicion privatisht, jo si kryepeshkop dhe tani që është Papë, ai nuk ka folur asnjëherë pro martesave apo “bashkimit civil” të homoseksualëve.
(TemA)
Lini një Përgjigje
Më të lexuarat
24 oret e fundit
Javen e fundit
Blog Tema
