Te fundit
Qeveria do të rishikojë buxhetin, bonus në fundvit për pensionistët
5 Dhjetor 2020, 20:20Ekonomia
TEMA
Qeveria do të rishikojë për herë të katërt me akt normativ buxhetin e këtij viti. Në një intervistë, ministrja e Financave dhe Ekonomisë Anila Denaj, thotë se rënia e të ardhurave në buxhet si pasojë e pandemisë është më e lartë se parashikimi fillestar duke kapur në total vlerën e gjysmë miliardi Euro, ndërsa një pjesë e fondeve që nuk janë përdorur nga institucionet do të shkojnë për të ulur nivelin e defiçitit në 6.9% të prodhimit kombëtar nga 8.4 që parashikohej.
“Rënia e të ardhurave është më e madhe se parashikimi, shkon në 60 miliard lekë, por fondet që nuk janë përdorur dhe që ne kemi qenë më të kujdesshëm do të shkojnë për uljen e defiçitit.”
Denaj thekson se fondet e rindërtimit edhe pse janë disbursuar më pak se parashikimi nuk do të digjen por do të transferohen vitin e ardhshëm.
“Paratë e rindërtimit janë të trashëgueshme.”
Brenda rishpërndarjes së parave në buxhet qeveria është duke llogaritur edhe shumën që do të japë si bonus në fundvit për pensionistët, por këtë herë nuk do të shpërblime me bazë performance për administratën publike.
“Jemi duke llogaritur shumën që do të caktojmë si bonus për pensionistët.”
Denaj thotë se vitin e ardhshëm qeveria do të ridizenjojë skemat e garancisë sovrane të cilat nuk janë përthithur totalisht për t’u ofruar sërish ndihmë bizneseve derisa ata të kenë nevojë.
“Skema e parë do të ridizenjohet dhe ajo për kapital qarkullues do të shtyhet, po mendojmë edhe për paketa për eksportuesit.”
Deri tani pandemia ka krijuar 24 mijë të papunë të regjistruar, thotë ministrja e Financave, ndërsa shprehet se viti i ardhshëm do të ketë një tremujor të parë të vështirë, por në çdo skenar qeveria do të përshtatë buxhetin me nevojat që do të nxjerrë pandemia.
“Viti i ardhshëm nuk do të jetë normal, por më i mirë se ky vit.”
Anila Denaj siguron se qeveria po punon për të plotësuar rekomandimet që ka lënë për vendin misioni i Fondit Monetar Ndërkombëtar.
4 komente në “Qeveria do të rishikojë buxhetin, bonus në fundvit për pensionistët”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Pensionistet nuk duhet te mbeten nen meshiren e nje qeverie qe shkon dhe vjen…Ata duhet te kene page te trembedhjete te pa negociushme nga cdo lloj politik-kracire qe vjen ne qeveri..Pa votat e pensionisteve nuk do te kete asnje qeveri ne Shqiperi ..o politiqener!
Zonje e nderuar pensionistet nuk kane pse te presin bonuset e qeverive te ndryshme ,jepni rrogen e 13 sic e ka bota dhe perfundon kjo pune. Cdo vit ne meshiren e qeverive.
Bunusi i fundvitit nuk jepet si dicka qe i perket pensionisteve por ngjyroset si nje dhurate qe varet vetem nga zemergjersia e qeverise pra nje karrem per vote
Imagjinoni se cfar ekonomistesh ka qeveria ndrron buxhetin per here te katet dhe akoma ska mbaruar kjo tregon qarte se sjene ne gjrndje te hartoni buxhetin e jo me ta permbushni
Doni dhe vota pastaj. I rreni pensionistat me 25 euro. Turp t’iu vijë talleni me popullin as mos U lodhni ti vini se nuk na duhen fare keq se keq jemi rroni ju per në hJduter slat ven pa vjedhur.