Paralelet Shqipëri-Kirgistan: Kur SHBA sulmon korrupsionin, del në dritë “sovraniteti”

Kur SHBA sulmon korrupsionin, del në dritë “sovraniteti”/ Sjellja njësoj nga Tirana në Bishkekun e Donald Lu

Më 9 dhjetor ishte Dita ndërkombëtare Kundër Korrupsionit. Në Shqipëri, ministrja e Drejtësisë foli për sfidën e luftës ndaj korrupsionit, të cilat vështirësohet në kohë pandemie.

Mijëra kilometra larg, në Uashington, sekretari i Shtetit, Mike Pompeo shpalli futjen në “listën e zezë” të SHBA të një drejtuesi të Doganave të Kirgizstanit.

E njëjta listë ku Shqipëria “përfaqësohet denjësisht” nga Adriatik Llalla. Mijëra kilometra larg prej aty e prej këtu, zyrtarët kirgizë protestuan për “ndërhyrje në punët e brendshme” ndaj ambasadorit të SHBA në Bishkek, Donald Lu.

Eshtë një botë e vogël.

Kufijtë po zhduken, teknologjia i sjell njerëzit më afër, pandemia i largon. Por, sfida për vende si Shqipëria dhe Kirgizstani mbetet e njëjtë. Luftë ndaj korrupsionit, zbatim i ligjit, drejtësi. Për të ecur përpara.

Donald Lu u largua nga Shqipëria në vitin 2018, për të marrë detyrën e re në Kirgizstan, një vend me 6 milionë banorë, pjesë e Bashkimit Sovjetik të dikurshëm. Diplomati amerikan iku larg, për të gjetur probleme të njëjta me ato që la në Tiranë.

Dikush mund të thotë se Lu la në Tiranë shijen jo të mirë të “peshqve të mëdhenj” të krimit e korrupsionit të cilët vazhduan notin të lirë. E megjithatë, merita e tij ështe se ndihmoi në shtrimin e rrugës së një reforme e cila po jep frytet e saj. E rrjedhimisht, ka dhe armiqtë e saj.

Ambasadori amerikan në kryeqytetin e Kirgizstanit është vënë se fundmi në shënjestër të një pjesë të politikës lokale për “ndërhyrje në punët e brendshme”. Nënkryetari i parlamentit, Mirlan Bakirov por dhe ministrja e Jashtme bënë deklarata publike duke e akuzuar se “po bën presion mbi hetimin”. Në fakt, zyrtari i korruptuar i Doganave që po hetohet, dyshohet se ka zhdukur 700 milionë USD.

Kjo retorikë sovraniste nuk është e panjohur në Shqipëri.

Jo pak herë, përfaqësuesit e opozitës kanë artikuluar një gjuhë anti-amerikane duke folur në mënyrë banale për “ambasada që nxisin sherre” dhe për “komplote ndërkombëtare” kundër Shqipërisë. Jo pak herë, kanë penguar rrjedhshmërinë e reformës në drejtësi, duke u kapur pas degëve të kalbura që reforma po i thyente një nga një.

Ambasada e SHBA në Tiranë u detyrua të mbante qëndrime publike, kundër idesë që qarkulloi nga opozita për kandidimin e një ish-gjyqtari të përfolur për korrupsion. E më tej, u detyrua të mbajë qëndrim publik kundër tentativë për bllokim e përbaltje ndaj drejtoreshës së Byrosë Kombëtare të Hetimit.

Rasti i sulmit politik ndaj ambasadorit Donald Lu në Bishkek, na tregon 3 gjëra të rëndësishme.

E para, dëshmon se krimi e korrupsioni nuk kanë kufi dhe se sfidat dhe problemet janë të njëjta në vende në tranzicion si i yni.

E dyta, faktori amerikan është i impenjuar njësoj për të targetuar krim-korrupsionin si një nga faktorët kryesorë që mban peng demokracinë dhe zhvillimin e një vendi.

Dhe e treta, politika e vjetër e korruptuar ngjan shumë me njëra-tjetrën, nga Tirana në Bishkek. Tenton të bllokojë drejtësinë, të ruajë pasuritë e grabitura, të mbajë peng vendin dhe të flasë për “sovranitetin e vendit”, duke nënkuptuar në fakt “sovranitetin mbi korrupsionin”./Javanews

Ministrja e Drejtësisë: Janë regjistruar me zë e figurë aktorë të PD e LSI që udhëheqin protestat e dhunshme. S’pres që Voltana Ademi të godasë me gurë. Të hetohet

14:07 Politika

Protestat për vrasjen e Klodian Rashës, Avokatja e Popullit si opozita: Qytetarët janë të zhgënjyer, nuk kanë më besim

13:51 Politika

FOTOT: Drejt përfundimit rindërtimi i shkollës “Kajo Karafili” në Shijak, Rama: Nga 3D në realitet, qentë le të lehin karvani do të ecë më shpejt përpara

12:36 Politika

Protesta e dhunshme, reagon Voltana Ademi: Unë jam qytetarja e parë e Shkodrës, marr pjesë në të gjitha lëvizjet që mendoj se është e drejtë

12:20 Politika

Dhuna gjatë protestës në Shkodër, nën hetim Voltana Ademi, 45 protestues të tjerë si dhe 2 punonjës zjarrëfikëse

10:43 Politika

Historia e panjohur e ish-Konsullit të Përgjithshëm të Shqipërisë në Zvicër, që u shua dje në Bruksel: Nga burgjet e UDB-së, te ato të Enver Hoxhës, ku vuajti 14 vite…

09:22 Politika

The Economist: Erdogan në një pozitë delikate

09:18 Politika

VIDEO: Voltana Ademi, dashnorja e vjetër e molotovëve

21:05 Politika

VIDEO/ Deputeti i PD-së, pas vrasjes së Klodianit: Jemi mbledhur për të festuar. Protestuesi: Të q**sha robt, pse jemi mbledhur për të festuar

20:58 Politika

Edmond Budina: Jam halabak që proteston kundër këtij pushteti fashist kriminal, nuk iki pa i rrëzuar nga pushteti

20:13 Politika