Te fundit
Gjendet piktura 500-vjeçare, ishte zhdukur nga muzeu por askush nuk e kishte vënë re
20 Janar 2021, 09:35Lifestyle
TEMA
Një pikturë 500-vjeçare është gjetur në një banesë në Itali dhe është kthyer në një muze. Por stafi i muzeut është habitur pasi nuk ishin në dijeni se ishte vjedhur.
Kopja e Salvator Mundi, e cila besohet se është pikturuar nga Leonardo da Vinci, u gjet në një banesë në Napoli. Pronari 36-vjeçar i banesës u arrestua pasi akuzohet se ka vjedhur pikturën e rrallë.
“Piktura u gjet të shtunën falë një operacioni të shkëlqyer”, tha prokurori i Napolit, Giovanni Melillo, në një deklaratë për mediat.
Prokurori shtoi se zyrtarët nuk ishin në dijeni se ishte vjedhur sepse “dhoma ku mbahet piktura nuk ka qenë e hapur për tre muaj” për shkak të pandemisë së koronavirusit.
Nuk dihet kur vepra e artit u mor pasi askush nuk e kishte raportuar atë të zhdukur, por muzeu tha se këtë pikturë e kishte bërë pjesë të koleksionit që prej Janarit të vitit të kaluar.
Veprat e artit zakonisht janë pjesë e koleksionit të Muzeut Doma në kishën San Domenico Maggiore në qytet.
Policia tani po heton rrethanat e vjedhjes, por nuk kishte asnjë shenjë për një hyrje në muze. Nuk dihet se kush e pikturoi veprën artistike, por disa ekspertë besojnë se studenti i Leonardos, Giacomo Alibrandi, mund ta ketë bërë këtë në fillim të viteve 1500.
Ajo tregon Krishtin me njërën dorë të ngritur, me tjetrën duke mbajtur një sferë qelqi.
2 komente në “Gjendet piktura 500-vjeçare, ishte zhdukur nga muzeu por askush nuk e kishte vënë re”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po si mund të bëhen kërkime për diçka që nuk mungon diku?
Gjysëm Krisht e gjysëm Maria Magdalena,e dashura e Tij!