Te fundit
Joe Biden rrëzon urdhrin e Trump për ndalimin e ushtarëve transgjinorë
25 Janar 2021, 22:40Bota
TEMA
Presidenti Biden ka shfuqizuar urdhrin e Donald Trump për ndalimin e amerikanëve transgjinorë në ushtri.
Ndalimi u njoftua nga Trump gjatë vitit të tij të parë në detyrë.
“Anëtarët e shërbimit transgjinor nuk do t’i nënshtrohen më mundësisë së shkarkimit ose ndarjes në bazë të identitetit gjinor,” tha Shtëpia e Bardhë.
Sipas të dhënave të Departamentit të Mbrojtjes të analizuar nga Palm Center, një grup jo-fitimprurës, kishte 8,980 trupa aktive transgjinore në detyrë në 2019.
“Presidenti Biden beson se identiteti gjinor nuk duhet të jetë pengesë për shërbimin ushtarak dhe se forca e Amerikës gjendet në shumëllojshmërinë e saj,” shtoi deklarata e Shtëpisë së Bardhë.
Kjo vjen pasi Sekretari i ri i Mbrojtjes Lloyd Austin, një gjeneral në pension i ushtrisë, foli për nevojën e heqjes së ndalimit gjatë seancës së tij të konfirmimit në Senat javën e kaluar.
“Nëse jeni i aftë dhe jeni i kualifikuar për të shërbyer dhe mund të ruani standardet, duhet të lejoheni të shërbeni,” tha ai.
Ish-presidenti Trump njoftoi në Twitter në vitin 2017 se vendi nuk do të “pranonte ose lejonte” transgjinorët amerikanë të shërbenin në ushtri, duke përmendur “kosto të jashtëzakonshme mjekësore dhe përçarje”.
Ndalimi hyri në fuqi në Prill të 2019, por personeli trans që shërbente u lejua të vazhdonte, por rekrutët e rinj u bllokuan.
2 komente në “Joe Biden rrëzon urdhrin e Trump për ndalimin e ushtarëve transgjinorë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ly eshte babai i degradimit moral dhe social..
Mire se erdhe o mbret i kaosit..
edhe kjo na u donte, gjithe problemet qe ka bota edhe kjo gje na u donte, ah ju shplaft mortja