Te fundit
Basketbolli merr dritën jeshile, Ponari: Ja kur nis kampionati kombëtar
28 Janar 2021, 17:27Sport
TEMA
I ftuar në “Sport Magazine”, presidenti i Federatës Shqiptare të Basketbollit, Avni Ponari ka zbuluar datën se kur rinis kampionati kombëtar dhe evenimente të tjerët ë koshit në vend.
Ponari rrëfeu për Ora News se, “Ok”-i nga Ministria e Shëndetësisë dhe Mbrojtjes Sociale erdhi pas një sërë shkresash dërguar këtij institucioi.
Avni Ponari: Sot komuniteti i basketbollit ka përjetuar një lajm shumë të rëndësishëm. Kjo është në sajë të shumë përpjekjeve tona si federatë, së bashku me FIBA-n, ndërkohë që duhet falënderuar drejtuesit që më në fund lejuan zhvillimin e aktiviteteve sportive dhe basketbollit, i cili dalëngadalë po humbte reflekset e rëndësishme që ka kështu që ky lajm gëzoi jo vetëm Federatën por të gjithë komunitetin e basketbollit. Është një ngjarje e rëndësishme. Një rilindje do të thoja pasi ka kaluar gati një vit që basketbolli ka qenë pushim.
Ditën e shtunë kemi një asamble ku janë të gjitha shoqatat sportive të basketbollit ne do të marrim edhe vendimin e datës se kur do të fillojnë ndeshjet e para. Dhe sot sapo morëm konfirmimin nisën negociatat dhe diskutimet me Federatën e Kosovës për tël filluar Ligën e shumëpritur, Ligën Unike, e cila do ti japë basketbollit një impuls dhe një forcë të re.
Unë mendoj se do të nisim në fillim e shkurtit por le ta vendosim ditën e shtunë.
Lini një Përgjigje
Më të lexuarat
24 oret e fundit
Javen e fundit
Blog Tema
