Hapet qendra e re shëndetësore në Lagjen 13, Veliaj: Ofrohet i njëjti shërbim, si në qendër, edhe në periferi

Banorët e Selitës, Kodrës së Diellit dhe Liqenit të Thatë, nuk kanë më nevojë të shkojnë në Njësinë 5 për të kryer vizitat shëndetësore. Kreu i Bashkisë së Tiranës, Erion Veliaj, ministrja e Shëndetësisë dhe Mbrojtjes Sociale, Ogerta Manastirliu dhe deputetja e PS, Mimi Kodheli përuruan sot qendrën e re shëndetësore, e cila u shërben 12 mijë banorëve te Lagjes 13.

Kryebashkiaku Veliaj tha se hapja e kësaj qendre shëndetësore, ashtu siç pritet të hapen së shpejti edhe 2 qendra të tjera në Astir dhe Lanabregas, është një lajm i mirë për komunitetet e këtyre zonave, për faktin se do të ofrohet i njëjti shërbim, si në qendër, ashtu edhe në periferi.

“Ky është një lajm i mirë për një lagje që është rritur jashtëzakonisht shumë. Tani po vijnë shërbimet, jo vetëm për zonën e Liqenit të Thatë, Kopshtit Botanik, Kopshtit Zoologjik, por edhe për gjithë pjesën buzë autostradës, që ndan Njësinë 5 me Lagjen 13. Ky lajm i mirë do të vijë edhe për Astirin dhe Freskun. Në Qesarakë po funksionon shumë mire dhe më në fund, edhe në Lanabregas ofrohet i njëjti shërbim, si në qendër, ashtu edhe në periferi”, u shpreh Veliaj.

Kjo qendër shëndetësore do të ofrojë paketën e plotë të shërbimeve në kujdes parësor, duke filluar nga mjeku i familjes, vaksinimi dhe imunizimi, sipas kalendarit kombëtar për fëmijët, që përfshin 12 vaksina, recetat me rimbursim për të sëmurët kronikë dhe ndjekjen e pacientëve me Covid 19.

“Shërbimet që ofrohen fillojnë nga konsultat tek mbështetja për të sëmurët kronikë, gjithë elementët që janë pjesë e paketës së rumbursimit falas, duke përfshirë edhe trajtimin anti-covid”, u shpreh ministrja e Shëndetësisë Ogerta Manastirliu. Ajo shtoi se nga e hëna do të hapen dhe 4 pika të tjera testimi anti-covid, duke e çuar ne 10 numrin e tyre në kryeqytet.

Në Bashkinë e Tiranës, në këto 3 vite, janë transformuar 34 qendra shëndetësore dhe ambulanca, duke ofruar shërbim cilësor për qytetarët dhe kushte më të mira pune për personelin shëndetësor.

Drejtori i televizioneve Franchaise në Euronews Group: Euronews Albania përballë sfidës për paanshmëri edhe në zgjedhjet elektorale

12:53 Sociale

Rama: Nga e hëna do të fillojë furnizimi me vaksinën Pfizer. Kemi 3 skenarë vaksinimi

10:28 Sociale

Të gjitha vendimet e fundit të KKT: Nga 3 karburantet në “Tiranë-Elbasan” tek komplekset pak metra larg bregut të detit

10:29 Sociale

"Ekonomia në fokus të mandatit në 4-vjeçarin e ardhshëm", Peleshi: Korça shembulli se kur ka bashkëpunim e jo stërkëmbësha si më parë, çdo gjë ecën përpara

10:19 Sociale

Kim Mehmeti: Shqipëria është kthyer në një gropë septike, Tirana ngjan si një qytet arab me njerëz shpellarë

10:03 Sociale

Ministria e Brendshme: Qendrat e aplikimit për karta ID dhe pasaporta të hapura edhe të shtunën

21:00 Sociale

Tirana promotore e start up-eve, Veliaj: Piramida me 3 hapësira inovative, 29 shkollat e reja me laborator IT

19:44 Sociale

Tritan Shehu jep alarmin: Varianti i ri i koronavirusit ka ardhur edhe në Shqipëri, bëhuni gati për më të keqen

19:30 Sociale

"Druaj për atë që mund të vijë në pranverë-verë me Covid-19, evolucioni i virusit është shumë shqetësues"

18:31 Sociale

“Nëpër Shqipëri” - Brezi “call center” dhe përçarje në shoqëri

17:17 Sociale