Te fundit
Pas Ramësk, edhe ministri i Jashtëm i Maqedonisë së Veriut kritikon BE-në për mungesë të ndihmës me vaksina
23 Shkurt 2021, 17:42Rajoni
TEMA
Maqedonia e Veriut tha të martën se Bashkimi Evropian duhet të bëjë më shumë për ta ndihmuar këtë vend që të sigurojë vaksina kundër koronavirusit.
Ministri i Jashtëm, Bujar Osmani, i tha agjencisë së lajmeve AFP gjatë një vizite në Paris se vendi i tij ka qenë në gjendje të nisë një fushatë modeste vaksinimi, falë dhurimit të disa mijëra dozave të vaksinave nga Serbia.
Ai shprehu keqardhje për mungesën e ndonjë ndihme të BE-së, duke thënë se Brukseli po dërgon “mesazh të gabuar” në Ballkan, duke e lënë atë pa vaksina.
Osmani po ashtu tha se Maqedonia e Veriut, vitin e kaluar, ka porositur dhe paguar 800,000 doza të vaksinave AstraZeneca përmes sistemit Covax të Organizatës Botërore të Shëndetësisë, si dhe ka porositur 800,000 doza të tjera direkt nga kompania Pfizer, porse “asgjë nuk ka ardhur ende”.
“Çdo ditë që i vonojmë vaksinat, rrezikon më shumë njerëz, sidomos ata të cenueshmit”, tha Osmani.
Ai shtoi se Qeveria e tij është duke bërë përpjekje të sigurojë vaksina kineze dhe se 200,000 të tilla pritet të arrijnë në ditët në vijim.
Nga vendet e Ballkanit Perëndimor, vetëm Kosova nuk ka nisur ende vaksinimin kundër koronavirusit.
Vaksinimi edhe në vendet e BE-së është duke shkuar me ritëm të ngadalshëm, për shkak të pengesave me furnizime.
1 komente në “Pas Ramësk, edhe ministri i Jashtëm i Maqedonisë së Veriut kritikon BE-në për mungesë të ndihmës me vaksina”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Eshte shume e qarte qe BE nuk e do Ballkanin prandaj te gjitha vendet e Ballkanit duhet te distancohen dhe te shpetojne popujt e tyre duke mare vaksinen Kineze ose Ruse….
Perse gjith bota ben tregeti te gjere me cfardo lloj malli me Kinen dhe vaksinen te mos e mare…??
Ndimoni popujt sa nuk eshte vone….