Te fundit
Strategjia e Ramës për 25 prillin: Drejtuesit e qarqeve, në fund të listës së sigurtë
8 Mars 2021, 09:25Politika
TEMA
Edi Rama do të ndjekë një strategji të ngjashme me të 2017-ës, për zgjedhjet e 25 prillit.
Në thelb strategjia e ndjekur edhe 4 vite më parë synon që të nxisë drejtuesit politikë të qarqeve dhe figurat e tjera qendrore dhe vendore udhëheqëse të partisë që të mos e marrin si të mirëqënë praninë e tyre në Kuvend, duke u vendosur në atë që quhet si “zona e diskutueshme e listës”.
Zona përcaktohet qark pas qarku në bazë të rezultatit të zgjedhjeve të 2017-ës. Si shembull, katër vite më parë vetë Edi Rama e vendosi emrin e vet të gjashtin në listën e kandidatëve të Vlorës, më shumë si shembull për t’u treguar të tijve se as ai vetë s’e kishte vendin e sigurtë si deputet, por edhe si bindje për fitoren.
E më 25 prill, emri që mund të përfundojë i gjashti në listën e kandidatëve socialistë për Vlorën është ai i drejtuesit të qarkut, Damian Gjiknuri.
Rama vetë pritet që të kryesojë listën në këtë qark, ndërsa në vendet fituese parashikohet që të jetë edhe kryebashkiaku aktual i qytetit, Dritan Leli.
E njëjta skemë pritet që të ndiqet edhe në Qarkun e Fierit dhe ndoshta edhe në Berat. Në Fier, Gramoz Ruçi mund të vendoset sërish i nënti në listë, aq sa ka qenë i renditur në zgjedhjet e 2017-ës.
Mandati i 9-të konsiderohet si objektivi minimal i socialistëve në këtë qark me 16 mandate në total. Në 2017-n, objektivi u tejkalua dhe PS mori 10 mandate, 4 Partia Demokratike dhe 2 LSI. Mbetet për t’u parë nëse katër vite më vonë ky rezultat do të përsëritet.
Në Berat, në lojë janë 7 mandate. Në 2017-n, PS mori 4, LSI 2 dhe PD 1. Objektivi është ruajtja e të njëjtit rezultat ndaj Blendi Klosi, si drejtues politik i qarkut mund të përfundojë i katërti në listë.
Të paktën në Vlorë dhe në Fier strategjia e ndjekur nga Edi Rama në zgjedhjet e 2017-ës funksionoi. Në të dyja këto qarqe, socialistët ja dolën mbanë që të sigurojnë një mandat përtej “mandatit të diskutueshëm”.
Rama vetë ishte i gjashti në Vlorë, ndërsa PS siguroi 7 mandate, e po ashtu Gramoz Ruçi ishte i nënti në Fier, ku PS siguroi 10 mandate.
A do të ndiqet e njëjta strategji dhe për më tepër, a do të prodhojë kjo strategji të njëjtin rezultat dhe pritshmëri për socialistët si në 2017? Kjo mësohet vetëm pas 25 prillit.(SI)
7 komente në “Strategjia e Ramës për 25 prillin: Drejtuesit e qarqeve, në fund të listës së sigurtë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
PS ne Vlore nuk mori 7 mandate por mori 8 mandate dhe ju fal mandati i 9-te Vangjel Dules me urdher nga Greqia, sepse ne fakt vota mori per 9 mandate.
??
=
RroftePPPSH me ne krye Rucin Sekretar.
Sekretaret dhe ministrat e PPSH nuk duhet te jene me ne listat e zgjedhjeve te 25 prillit 2021;
pas 30 vjeteve le t’ua lene vendin politikaneve te rinj te formuar ne universitetet demokratike te botes. .
Martin !!!! Ke shume te drejte.
Te arsimuar ne Europe … sidomos ne Hollande!!!
Por….. harrove Saliun !!!!!!!
Na jep ndonje keshille si te bejme !
Leli e meriton te jete se eshte koke e madhe a kokmadh mereni si te doni .
Ka shtate vjet qe fle ne kembe , ska vene nje poç ne shtylle dhe mburet me punet e te tjereve .Keshtu qe meqenese e rregulloi zyren e vet , me patjeter do te sjelle nje fryme te re ne parlament edhe sa me shume si ky aq me e sigurt fitorja.
Suksese PS…
P.Socialiste (specialiste) me keto gjyshet kyt rrallë do e gatuaj byrekun, se per prurje te reja i ka dhier fare, me Ruç e (Spiren e Palit).