Presidenti Joe Biden thotë se ai është i habitur nga kundërshtimi i vazhdueshëm i disa amerikanëve për t’u vaksinuar kundër koronavirusit, veçanërisht mes republikanëve që kundërshtuan zgjedhjen e tij si president.

“Sinqerisht mendova se, pasi të kishim vaksina të mjaftueshme për të gjithë, gjendja do të fillonte të qetësohej,”tha presidenti Biden për kanalin ABC News të martën. “Dhe në fakt është qetësuar mjaft”.

Megjithatë, i tha Presidenti Biden gazetarit të ABCNews George Stephanopulos, “Unë nuk arrij ta kuptoj këtë lloj maskuliniteti në shprehjet ‘nuk do ta bëj vaksinën. Kam të drejtën si amerikan, kam lirinë time për të mos e bërë vaksinën’.

“Atëherë përse nuk tregohesh patriot? Të mbrosh njerëzit e tjerë ”, tha presidenti Biden.

Joe Biden, i cili u vaksinua para inaugurimit të tij dy muaj më parë, tha se u tregoi amerikanëve me shembullin e vet se vaksina është e sigurt dhe ishte gjithashtu personalisht lehtësuese “sepse tani mund t’i përqafoj nipërit e mi”, tha presidenti.

“Ata vijnë më vizitojnë, mund t’i shoh dhe jam në gjendje të rri me ta”, tha presidenti.

Rreth 13% e amerikanëve të rritur, më shumë se 35 milionë amerikanë janë vaksinuar plotësisht. Ish Presidenti Donald Trump dhe gruaja e tij Melania u vaksinuan të dy para se ai të largohej nga detyra.

Të martën, zoti Trump i tha kanalit Fox News, “Unë e rekomandoj vaksinën, dhe do t’ua rekomandoja atë shumë njerëzve që nuk duan ta marrin, dhe shumë prej tyre votuan për mua, sinqerisht”.

Megjithatë, shtoi ai, “Ne kemi liritë tona që duhen respektuar dhe jam dakord edhe me këtë qasje.”

2 komente në “Biden, i habitur nga kundërshtimi për t’u vaksinuar nga COVID: S’arrij ta kuptoj pse s’tregoheni patriotë”

Laku says:

18 Mars, 2021 08:55 te 8:55 am

NJEREZVE TI DHE QAMILJA QE KE ZEVENDESE I THANE QE VAKSINA PO DEL SHUME SHPEJT SE PO I SHTYN TRUMPI KOMPANITE DHE NE NUK E BESOJME.MADJE E QUAJTE DHE TRUMP VAKSINE TI DHE PELOSI.APO HAROVE O MATUF.

Përgjigjjuni
Sara says:

18 Mars, 2021 09:31 te 9:31 am

Je ne lufte Z. President…
Lufta sot eshte info vs. disinfo. Pas perhapjes se virusit qe vitet ne vijim do te klasifikohet nga historia si lufta e pare boterore biologjike, Kinezet e aleatet e tyre, vetem mbeshtesin disinformacionin per te siguruar fitoren e tyre kunder “kapitalizmit boteror”… Mire Trump trapi qe ishte nje manekin i tyre, po ju qe keni perjetuar edhe si politikan periudhen e Luftes se Ftohte, nuk duhet t’i toleroni me mongolo-siberianet!!!
Vetem shkaterri ka ardhur ne bote prej tyre!

Përgjigjjuni